វៀតណាម និងវ៉េណេស៊ុយអេឡាជំរុញកិច្ចសហប្រតិបត្តិការលើវិស័យសុខាភិបាល
កប.អនឡាញ - ស្ថានទូតវៀតណាមប្រចាំនៅប្រទេសវេណេស៊ុយអេឡានាថ្ងៃទី ១១ ខែកញ្ញា បានបើកសិក្ខាសាលាតាមប្រព័ន្ធវីដេអូ ក្រោមប្រធានបទ “ជំរុញការនាំចេញសំភារៈបរិក្ខារពេទ្យសម្រាប់ប្រយុទ្ធប្រឆាំងនឹងកូវីដ១៩” រវាងវៀតណាម និងវ៉េណេស៊ុយអេឡា ក្រោមអធិបតីភាពរបស់លោកឯកអគ្គរដ្ឋទូត Le Viet Duyen ។
សិក្ខាសាលានេះមានការចូលរួមពីអនុរដ្ឋមន្រ្តីក្រសួងសុខាភិបាលវេណេស៊ុយអេឡា លោក Gerardo Briceno និងសហគ្រាសនៃប្រទេសទាំងពីរក្នុងវិស័យផលិតកម្ម ផ្គត់ផ្គង់ និងនាំចូល និងនាំចេញសំភារៈបរិក្ខារពេទ្យ។
|
|
ប្រតិភូទាំងឡាយអញ្ជើញចូលរួមសិក្ខាសាលាតាមប្រព័ន្ធវីដេអូ (រូបថត៖ ស្ថានទូតវៀតណាមប្រចាំប្រទេសវេណេស៊ុយអេឡា) |
តំណាងក្រសួងសុខាភិបាលនៃប្រទេសទាំងពីរបានចែករំលែកបទពិសោធន៍ស្តីពីវិធានការបង្ការជំងឺរាត្បាត។ សហគ្រាសវៀតណាមបានបង្ហាញលទ្ធភាពរបស់វៀតណាមក្នុងការផលិត ផ្គត់ផ្គង់ និងនាំចេញម៉ាស់ និងសម្ភារៈបរិក្ខារពេទ្យ ដោយមានផលិតផលនានាដូចជា៖ ម៉ាស៊ីនដកដង្ហើម ឧបករណ៍ធ្វើតេស្ត ម៉ាស់ និងសម្លៀកបំពាក់ការពារផ្ទាល់ខ្លួន... ។
ក្នុងឱកាសនេះ ក្រុមហ៊ុន Thanh Long Global និងក្រុមហ៊ុនឱសថ Thien An បានសន្យាថានឹងជួយគាំទ្រវេណេស៊ុយអេឡានូវម៉ាស់ចំនួន ២០០.០០០ ម៉ាស់។ ក្រុមហ៊ុនភាគហ៊ុនពាណិជ្ជកម្មអន្តរជាតិ Thinh Long បានប្រគល់ម៉ាស់ចំនួន ៦០០០ ម៉ាស់ជូនក្រសួងសុខាភិបាលវេណេស៊ុយអេឡា៕
បកប្រែដោយ Duy Hoan