វៀតណាម និងអាហ្សង់ទីន ជម្រុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម
កប.អឡាញ - នាថ្ងៃទី២៨ ខែកក្កដា សមាជិកសភាជាតិ អាហ្សង់ទីន នៅសភាទីផ្សាររួមអាមេរិកខាងត្បូងលោកស្រី Julia Perié បានសហការជាមួយស្ថានទូត វៀតណាម ប្រចាំនៅទីក្រុង Buenos Aires រៀបចំសិក្ខាសាលាតាមប្រព័ន្ធវីដេអូដើម្បីជម្រុញទំនាក់ទំនងមិត្តភាព និងកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម ដោយមានវត្តមានពីតំណាងក្រសួងការបរទេស អាហ្សង់ទីន និងថ្នាក់ដឹកនាំខេត្តក្រុងធំៗមួយចំនួននៃប្រទេស អាហ្សង់ទីន។
ក្នុងសិក្ខាសាលានេះ លោកស្រី Julia Perié បានឲ្យដឹងថា ក្នុងបរិបទជំងឺ Covid-19 កំពុងជះផលប៉ះពាល់អវិជ្ជមានលើសេដ្ឋកិច្ចពិភពលោក ប្រទេសទាំងពីរគប្បីធ្វើផែនការស្ដាសេដ្ឋកិច្ចឡើងវិញក្រោយ Covid-19។
|
|
លោកស្រី Julia Perié (រូបថត៖ misionesopina.com.ar) |
លោក Dang Vu Hoang ឯកអគ្គរដ្ឋទូត វៀតណាម បានលើកឡើងយន្តការសហប្រតិបត្តិការ និងគម្រោងជាច្រើនដើម្បីជម្រុញកិច្ចសហប្រតិបត្តិការរវាង វៀតណាម និងអាហ្សង់ទីន លើវិស័យជាច្រើន ដូចជា នយោបាយ សេដ្ឋកិច្ច ពាណិជ្ជកម្ម វិនិយោគ វិទ្យសាស្រ្ត បច្ចេកវិទ្យា អប់រំ វប្បធម៌ ពិសេស កិច្ចសហប្រតិបត្តិការលើវិស័យសេដ្ឋកិច្ច និងពាណិជ្ជកម្មជាចំណុចភ្លឺក្នុងទំនាក់ទំនងទ្វេភាគី។ លោក Dang Vu Hoang សង្កត់ធ្ងន់ថា ទន្ទឹមនឹងទំនាក់ទំនងទ្វេភាគី កិច្ចសហប្រតិបត្តិការរវាងប្រទេសទាំងពីរនៅអង្គការអន្តរជាតិ និងវេទិកាពហុភាគីក៏ត្រូវបានពង្រឹង និងពង្រីក រួមវិភាគទានក្នុងការកសាងពិភពលោកមួយសន្តិភាព ស្ថិរភាព កិច្ចសហប្រតិបត្តិការ និងអភិវឌ្ឍន៍។
ក្នុងឱកាសនេះ ភាគីទាំងពីរបានឯកភាពបន្តរៀបចំកិច្ចប្រជុំដោយមានការចូលរួមពីសហគ្រាសវៀតណាមដែលកំពុងធ្វើអាជីវកម្ម និងមានកម្រោងសហការជាមួយដៃគូអាហ្សង់ទីន ដើម្បីបង្កើតឱកាសសហប្រតិបត្តិការទ្វេភាគី៕
បកប្រែដោយ Thuy Anh