ការគ្រប់គ្រងទម្រង់សហករណ៍អាស៊ី-ប៉ាស៊ីហ្វិកនៅវៀតណាម
កប.អនឡាញ - ពីថ្ងៃទី៤ ដល់ថ្ងៃទី៦ ខែវិច្ឆិកា សហព័ន្ធសហករណ៍ពាណិជ្ជកម្មទីក្រុងហូជីមិញ បានរៀបចំសិក្ខាសាលាសហករណ៍អន្តរជាតិអាស៊ី-ប៉ាស៊ីហ្វិក (ICA-AP 2019) ក្រោមប្រធានបទ “ការគ្រប់គ្រងទម្រង់សហករណ៍អាស៊ី-ប៉ាស៊ីហ្វិកនៅវៀតណាម ឆ្នាំ២០១៩”។
សិក្ខាសាលាបានទាក់ទាញការចូលរួមពីអ្នកលក់រាយ និងប្រតិភូមកពីប្រទេសជប៉ុន ឥណ្ឌា ឥណ្ឌូនេស៊ី អ៊ីរ៉ង់ ម៉ាឡេស៊ី មីយ៉ាន់ម៉ា ហ្វីលីពីន និងវៀតណាម។ សិក្ខាសាលានេះសំដៅជំរុញកិច្ចសហប្រតិបត្តិការ ការចែករំលែកបទពិសោធន៍ និងការជួយគ្នាទៅវិញទៅមកក្នុងការធ្វើសមាហរណកម្មអន្តរជាតិ រួមចំណែកជាវិជ្ជមានដល់សហគមន៍អ្នកប្រើប្រាស់ និងអង្គការអាជីវកម្មនៃប្រទេសនីមួយៗ ព្រមទាំងរួមចំណែកក្នុងការអភិវឌ្ឍចលនាសហករណ៍ក្នុងតំបន់ និងសហករណ៍អន្តរជាតិទៀតផង៕
បកប្រែដោយ Huyen Trang