កែលម្អសួនច្បារចម្រុះ កសាងគំរូជីវភាពរស់នៅប្រកបដោយនិរន្តរភាព
កប.អនឡាញ - នាពេលថ្មីៗនេះ ពីការជួសជុលសួនច្បារចម្រុះ និងការកសាងគំរូសួន-ស្រះ-ជង្រុក ជាមួយនឹងរាល់ដំណាំមានតម្លៃសេដ្ឋកិច្ចខ្ពស់ គ្រួសារជាច្រើនបានបើកចេញឱកាសដើម្បីរួចផុតពីភាពក្រីក្រ និងអភិវឌ្ឍសេដ្ឋកិច្ចបន្តិចម្តងៗរបស់ជនជាតិភាគតិចនៅស្រុក Quan Ba ខេត្ត Ha Giang។
យោងតាមការស្ថិតិឆ្នាំ ២០២០ ខេត្ត Ha Giang ទាំងមូលមានគ្រួសារជាង ១៨៦,០០០ រស់នៅក្នុងតំបន់ជនបទ ដែលក្នុងនោះមានគ្រួសារក្រីក្រជាង ៤១,៤០០ (ស្រូបយកជាង ២២%) និងគ្រួសារជិតបន្ទាត់ក្រីក្រជាង ២៨,៥០០ (ស្រូបយកជាង ១៥%)។ តាមរយៈការវិភាគ វាបង្ហាញថា សេដ្ឋកិច្ចសួនច្បារគ្រួសារនៅតំបន់ភ្នំ Ha Giang មិនទាន់ត្រូវបានលើកកម្ពស់ទេ។ តំបន់ជាច្រើននៅតែមានសួនច្បារចម្រុះ ហើយរាចនាដាំរុក្ខជាតិ ដំណាំ និងចិញ្ចឹមសត្វគឺមិនសមហេតុផលទេ។ មិនទាន់ផ្តោតសំខាន់លើការបំប្លែងដំណាំ និងបសុសត្វឱ្យសមស្របទេ ដូច្នេះតម្លៃសេដ្ឋកិច្ចពីសួនច្បារគ្រួសារមានកម្រិតទាបណាស់ ហើយមិនទាន់បានបង្កើតប្រាក់ចំណូលប្រកបដោយនិរន្តរភាពសម្រាប់ប្រជាជននោះទេ។ ដូច្នេះ គណៈកម្មាធិការបក្សខេត្ត Ha Giang បានចេញសេចក្តីសម្រេចចិត្តលេខ ០៥/NQ-TU ចុះថ្ងៃទី ០១ ខែធ្នូ ឆ្នាំ២០២០ ស្តីពីការជួសជុលសួនច្បារចម្រុះ អភិវឌ្ឍសេដ្ឋកិច្ចសួនគ្រួសារដើម្បីបង្កើតជីវភាពរស់នៅឱ្យប្រជាជន និងកាត់បន្ថយភាពក្រីក្រប្រកបដោយនិរន្តរភាពក្នុងដំណាក់កាលឆ្នាំ ២០២១-២០២៥ ដោយ គោលដៅស្នូលគឺការផ្លាស់ប្តូរគន្លងនៃការគិត និងវិធីសាស្រ្តនៃការចិញ្ចឹមសត្វ និងដាំដំណាំ ផ្តើមពីនោះបង្កើតជីវភាពរស់នៅ បង្កើនប្រាក់ចំណូល និងកាត់បន្ថយភាពក្រីក្រប្រកបដោយចីរភាព។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/05/13/upload_2114/3.jpg?dpi=150&quality=100&w=500) |
គ្រួសារលោក Nguyen Xuan Hanh កែលម្អសួនច្បារចំរុះ ហើយប្តូរមកដាំដើមពោធិ៍ និងដើមព្រូន... |
យើងបានជួបលោក Nguyen Xuan Hanh ជនជាតិ Tay នៅភូមិ Ban Thang ឃុំ Tung Vai ស្រុក Quan Ba ហើយគាត់បានចែករំលែកអំពីដំណើររបស់គាត់រួចចេញពីភាពក្រីក្រ។ នៅទីនេះ ក្នុងមួយឆ្នាំៗ គ្រួសារគ្រប់គ្នាអាចដាំស្រូវបានត្រឹមតែមួយរដូវ និងដំណាំពោតមួយរដូវប៉ុណ្ណោះ។ ដូចគ្រួសារលោក Hanh ពីមុនដែរ ក្រោយពីធ្វើស្រែបានពីររដូវ គាត់ប្រមូលផលស្រូវបានប្រហែល ៣ តោន និងពោត ៣ តោន។ ស្តាប់ទៅដូចជាចំនួនច្រើន ប៉ុន្តែបើនិយាយពីលុយវិញ គឺត្រឹមតែពីរបីសិបលានដុងប៉ុណ្ណោះ ខណៈគ្រួសារលោក មានទំហំដីដាំដុះច្រើនគួរសម ប៉ុន្តែទុកចោល ឬដាំដំណាំជាច្រើនប្រភេទដោយមាន តម្លៃសេដ្ឋកិច្ចទាប។ បន្ទាប់ពីគណៈកម្មាធិការបក្សខេត្ត Ha Giang បានចេញសេចក្តីសម្រេចចិត្តលេខ ០៥/NQ-TU និងដោយមានការណែនាំ និងការចលនាពីកម្មាភិបាលប៉ុស្តិ៍ការពារព្រំដែន Tung Vai (កងទ័ពការពារព្រំដែនខេត្ត Ha Giang) លោក Hanh បានជួសជុលសួនច្បារដើម្បីដាំដំណាំដែលមានអាយុច្រើនឆ្នាំ។
លោក Hanh មានប្រសាសន៍ថា៖ “ដោយមានការលើកទឹកចិត្ត និងជំនួយពីកងទ័ព ក្នុងឆ្នាំ ២០២០ ខ្ញុំបានសម្រេចចិត្តវិនិយោគលើការដាំផ្លែឈើមួយចំនួន។ ទាំងនេះគឺជាដើមឈើឱ្យផ្លែរយៈពេលខ្លី និងមានតម្លៃល្អ។
ដូចគ្រួសាររបស់លោក Hanh ដែរ គ្រួសាររបស់លោកស្រី Then Thi Lan ដែលជាជនជាតិ Nung នៅឃុំ Tung Vai បានប្តូរសួនច្បារចំរុះរបស់ពួកគេទៅជាសួនច្បារដាំផ្លែឈើ។ ពីមុនមក លោកស្រី Lan ដាំពោត និងដំណាំមួយចំនួនទៀត ប៉ុន្តែសុទ្ធតែមានតម្លៃសេដ្ឋកិច្ចទាប។ លោកស្រីបន្តថា៖ “រដូវប្រមូលដំណាំពោតនីមួយៗខ្ញុំទទួលបានតែពី ៣០០ ទៅ ៤០០ គីឡូក្រាមប៉ុណ្ណោះស្មើនឹងខ្ទង់ ៣ លានដុង។ មកពីចំណូលទាប ដូច្នេះជីវភាពខ្វះមុខខ្វះក្រោយ”។ នៅពេលទទួលបានការណែនាំ និងជំនួយពីកម្មាភិបាលប៉ុស្តិ៍ការពារព្រំដែន Tung Vai លោកស្រី Lan និងស្វាមីបានសម្រេចចិត្តផ្លាស់ប្តូររចនាសម្ព័ន្ធដំណាំ។ បន្ថែមពីលើការជីកស្រះចិញ្ចឹមត្រី ចាប់ពីឆ្នាំ២០២២ អ្នកស្រី Lan បានកែលម្អដីដែលគេបោះបង់ចោល ទៅជាសួនច្បារដាំដើមឈើដែលមានតម្លៃសេដ្ឋកិច្ចខ្ពស់ ដូចជា ក្រូចឆ្មា និងផ្លែពែរជាដើម។ ក្រៅពីនោះ ក៏ទទួលបានជំនួយជាប្រាក់កម្ចីចំនួន ៣០ លានដុងដោយគ្មានការប្រាក់សម្រាប់រយៈពេល ២.៥ ឆ្នាំពីធនាគារគោលនយោបាយសង្គមដើម្បីវិនិយោគលើការសាងសង់ជង្រុកជ្រូក។
គ្រួសារលោកស្រី Lan និងលោក Hanh គ្រាន់តែជាគ្រួសារ ២ ក្នុងចំណោមរាប់រយគ្រួសារជនជាតិភាគតិចនៅស្រុក Quan Ba ដែលទទួលបានអត្ថប្រយោជន៍ពីការអនុវត្តសេចក្តីសម្រេចចិត្តលេខ ០៥/NQ-TU របស់គណៈកម្មាធិការបក្សខេត្ត Ha Giang។ ជាក់ស្តែង ការអនុវត្តសេចក្តីសម្រេចចិត្តលេខ ០៥/NQ-TU បានបង្កើតនូវភាពរឹងមាំថ្មី និងនាំមកនូវលទ្ធផលជាក់ស្តែងជូនប្រជាពលរដ្ឋ។ បន្ទាប់ពីរយៈពេលជាង ៣ ឆ្នាំកន្លងមក មានគ្រួសារជាង ៦,៤០០ បានកែលម្អសួនច្បារចម្រុះ។ សួនច្បារដាំដើមឈើជាច្រើនបានបង្ហាញពីប្រសិទ្ធភាពសេដ្ឋកិច្ចជាមួយនឹងប្រាក់ចំណូលជាមធ្យមប្រហែល ១៩ លានដុង/គ្រួសារ/ឆ្នាំ ខ្ពស់ជាង ២-៣ ដងមុនពេលកែលម្អសួនច្បារចម្រុះ។ គួរឱ្យចាប់អារម្មណ៍ថា ការអនុវត្តសេចក្តីសម្រេចចិត្តលេខ ០៥/NQ-TU បានរួមចំណែកផ្លាស់ប្តូរយ៉ាងសំខាន់នូវការយល់ដឹង និងការគិតគូក្នុងការធ្វើផលិតកម្មរបស់ប្រជាជន ធ្វើឲ្យប្រសើរឡើងនូវតម្លៃនៃចំណូលលើផ្ទៃដីដាំដុះ ហើយជះឥទ្ធិពលជាវិជ្ជមានដល់កម្មវិធីកសាងជនបទថ្មីរបស់ស្រុក Quan Ba និយាយដោយឡែក និងខេត្ត Ha Giang និយាយរួម៕
បកប្រែដោយ Minh Trung