យកចិត្តទុកដាក់និងលើកទឹកចិត្តដល់យុទ្ធជនជាជនជាតិភាគតិច

ប្រការនេះតម្រូវឱ្យកម្មាភិបាលគ្រប់លំដាប់ថ្នាក់នៃកងវរសេនាធំមានដំណោះស្រាយសមស្របក្នុងការគ្រប់គ្រង និងបង្វឹកបង្ហាត់ដើម្បីជួយដល់យុទ្ធជនថ្មី ជាពិសេសយុទ្ធជនជាជនជាតិភាគតិចចូលរួមក្នុងការសិក្សា និងហ្វឹកហាត់ទទួលបានលទ្ធផលខ្ពស់។

នៅចុងបញ្ចប់នៃការត្រួតពិនិត្យបាញ់គ្រាប់ពិតកាំភ្លើង AK មេរៀនទី១ យុទ្ធជន  Sung A Dinh នៃកងវរសេនាធំលេខ ៧៤១ គឺជាយុទ្ធជនម្នាក់ក្នុងចំណោមយុទ្ធជនដែលមានកិត្តិយសទទួលបាន "បុប្ផាបាញ់ល្អ" ។ Sung A Dinh បានចែករំលែកថា៖ “ខ្ញុំជូនបុប្ផាបាញ់ល្អនេះ ដល់កម្មាភិបាលរបស់អង្គភាព ដែលបានជួយខ្ញុំទទួលបានលទ្ធផលល្អដូចសព្វថ្ងៃនេះ។ ខ្ញុំក៏សូមជូនប្រពន្ធកូននៅស្រុកកំណើតដែលតែងតែនៅក្បែរខ្ញុំចែករំលែក ដើម្បីឲ្យខ្ញុំមានសេចក្ដីសុខ ហ្វឹកហាត់ឲ្យបានល្អ”។  Vang A Hu យុទ្ធជនជនជាតិ Mong មកពីភូមិ Ta Ham ឃុំ Pa Tan (ស្រុក Nam Po ខេត្ត Dien Bien) មិនអាចលាក់បាំងអារម្មណ៍របស់គាត់បានទេ ចាប់តាំងពីគាត់ត្រូវបានជូនដំណឹងអំពីទទួលលទ្ធផលបាញ់ល្អ។ ដោយទទួលបានពិន្ទុល្អក្នុងការប្រឡងបាញ់គ្រាប់ពិត Vang A Hu បានសន្យាថានឹងបន្តខិតខំប្រឹងប្រែង និងហ្វឹកហាត់ឱ្យកាន់តែប្រសើរឡើង ឲ្យសក្តិសមនឹងមនោសញ្ចេតនា និងការយកចិត្តទុកដាក់ពីកម្មាភិបាលដឹកនាំ។

កម្មាភិបាលកងពលលេខ៤ កងវរសេនាតូចលេខ១ កងវរសេនាធំលេខ ៧៤១ តែងតែលើកទឹកចិត្តយុទ្ធជន

យោងតាមការចែករំលែករបស់លោកអនុសេនីយ៍ទោ Mua A Bay អ្នកនយោបាយនៃកងពលលេខ៤ កងវរសេនាតូចលេខ១ Sung A Dinh និង Vang A Hu គឺជាយុទ្ធជនជនជាតិភាគតិចពីរនាក់ក្នុងចំណោមយុទ្ធជនជនជាតិភាគតិចជិត ៨០ នាក់ ដែលកងពលលេខ៤ កំពុងគ្រប់គ្រង។ Sung A Dinh មានប្រពន្ធ និងកូន ៣ នាក់ ជីវភាពរស់នៅជួបការលំបាកខ្លាំង ហើយគ្រួសារ Vang A Hu ក៏ជួបការលំបាកយ៉ាងខ្លាំងដែរ ដោយសារឪពុកម្តាយបង្កើតទាំងពីរបានស្លាប់ហើយ។ Vang A Hu បច្ចុប្បន្នកំពុងស្នាក់នៅជាមួយគ្រួសាររបស់បងប្រុសគាត់។ លោកអនុសេនីយ៍ទោ Mua A Bay បានចែករំលែកថា “ចំពោះយុទ្ធជនដែលរៀបការហើយជួបការលំបាក ហើយការចូលរួមសិក្សា និងហ្វឹកហាត់មិនទទួលបានលទ្ធផលខ្ពស់នោះទេ។ ដើម្បីរំងាប់ចិត្តកងទ័ព កម្មាភិបាលនៃអង្គភាពតែងតែលើកទឹកចិត្ត ចាប់យកគំនិត និងសេចក្តីប្រាថ្នា និងបង្កើតលក្ខខណ្ឌងាយស្រួលសម្រាប់យុទ្ធជនថ្មីក្នុងការហៅទូរស័ព្ទទៅសួរសុខទុក្ខគ្រួសាររបស់ពួកគេនៅពេលសម្រាក។ ក្រៅពីនេះ អង្គភាពក៏រៀបចំសកម្មភាពវប្បធម៌ និងកីឡាជាច្រើនប្រចាំតំបន់ភ្នំ ជួយឲ្យយុទ្ធជនកាត់បន្ថយការអាឡោះអាល័យចំពោះគ្រួសារ និងស្រុកកំណើតរបស់ពួកគេ”។

រួមជាមួយនឹងបញ្ជាការដ្ឋានយោធាខេត្ត Dien Bien កងវរសេនាធំលេខ ៧៤១ តែងតែចាត់កម្មាភិបាលឱ្យចូលរួមទិវានយោបាយ វប្បធម៌ ស្មារតី និងច្បាប់នៅអង្គភាពហ្វឹកហាត់យុទ្ធជនថ្មីជារៀងរាល់ខែ។ អង្គភាពក៏បានស្តាប់គំនិត អារម្មណ៍ និងសេចក្តីប្រាថ្នា ដើម្បីឆ្លើយតបភ្លាមៗ និងដោះស្រាយការលំបាក និងបញ្ហានានាសម្រាប់កងទ័ព។ សកម្មភាពជាក់ស្តែងទាំងនោះ បានជួយឱ្យយុទ្ធជនថ្មីខិតខំប្រឹងប្រែងសិក្សា និងហ្វឹកហាត់៕

បកប្រែដោយ Huyen Trang