ជួយប្រជាជននៅតាមតំបន់ព្រំដែន លុបបំបាត់ភាពក្រីក្រ

គ្រួសារលោក Chang A Dia នៅភូមិ Pa Vai Su ឃុំ Pa Vai Su ស្រុក Phong Tho (Lai Chau) ជាគ្រួសារក្រីក្រ។ ប្រាក់ចំណូលរបស់គ្រួសារលោក Dia ពឹងផ្អែកជាចម្បងលើផ្ទៃដីស្រែពីរ បី ហិចតា ប៉ុណ្ណោះ ដូច្នេះហើយតែងតែមានការខ្វះខាតនូវភាពអត់ឃ្លាន ជាពិសេសនៅពេលប្រមូលផល។ ជាច្រើនឆ្នាំកន្លងមកនេះ ទោះបីមានការខិតខំប្រឹងប្រែងយ៉ាងណាក៏ដោយ ក៏ភាពក្រីក្រនៅតែបន្តកើតមានឡើង…

ការអនុវត្តគោលនយោបាយគាំទ្រជួយប្រជាជនក្នុងការអភិវឌ្ឍសេដ្ឋកិច្ចរបស់អង្គភាពសេដ្ឋកិច្ច-ការពារជាតិលេខ ៣៥៦ នៅដើមឆ្នាំ ២០២០ គ្រួសាររបស់លោក Chang A Dia ត្រូវបាន ក្រុមទី ២ (ក្រុមទី ២) អង្គភាពសេដ្ឋកិច្ច-ការពារជាតិលេខ ៣៥៦ ផ្តល់ជំនួយជាទន្សាយបង្កាត់ពូជចំនួន ៣ គូ។

កម្មាភិបាលនៃអង្គភាពសេដ្ឋកិច្ច-ការពារជាតិលេខ ៣៤៥ ផ្តល់សត្វពូជដល់ប្រជាជននៅឃុំ Trinh Tuong (Bat Xat, Lao Cai) ឆ្នាំ ២០១៩

ពីជំនួយនេះ លោក Dia បានខ្ចីប្រាក់បន្ថែមចំនួន ១៥ លានដុងទៀត ដើម្បីទិញទន្សាយចិញ្ចឹមបន្ថែម និងវិនិយោគលើជង្រុក ដោយប្តេជ្ញាអភិវឌ្ឍសេដ្ឋកិច្ចគ្រួសារ។ ដោយមានជំនាញបច្ចេកទេសចិញ្ចឹម និងការបង្ការជំងឺរាតត្បាតដែលណែនាំដោយកម្មាភិបាលនិងបុគ្គលិកក្រុមទី ២ ទន្សាយគ្រួសាររបស់លោក មានការអភិវឌ្ឍយ៉ាងល្អ។

ដូចគ្រួសារលោក Chang A Dia ដែរ នៅដើមឆ្នាំ ២០២០ លោក Vi Van Tuan នៅភូមិ Panh ឃុំ Pung Banh ស្រុក Sop Cop (ខេត្ត Son La) ត្រូវបានទទួលគោចិញ្ចឹមចំនួន ២ ក្បាលមានតម្លៃ ១៥ លានដុង/ក្បាល និងជ្រូកចិញ្ចឹម ៣ ក្បាល ដែលផ្តល់ដោយក្រុមទី ៥ (អង្គភាពសេដ្ឋកិច្ចការពារជាតិលេខ ៣២៦)។ ដោយមានជ្រូកពូជក្នុងដៃ និងត្រូវបានណែនាំដោយបុគ្គលិកក្រុមទី ៥ លើបច្ចេកទេសបង្កាត់ពូជ និងការការពារជំងឺ លោក Tuan ផ្តោតលើការធ្វើអាជីវកម្ម។ លោកក៏បានពិភាក្សាជាមួយភរិយាដោយហ៊ានខ្ចីប្រាក់ចំនួន ៣០ លានដុងទៀតពីធនាគារគោលនយោបាយសង្គមនៃស្រុក Sop Cop ដើម្បីវិនិយោគពង្រីកជង្រុក និងជីកស្រះចិញ្ចឹមត្រី។

ក្រោយរយៈពេលជាងមួយឆ្នាំមកនេះ គ្រួសារលោកមានក្បាលជ្រូកជាង ៤០ ក្បាល។ លោកវរសេនីយ៍ទោ Vi Van Doan ប្រធានក្រុមទី ៥ បាននិយាយថា "ការអនុវត្តផែនការជួយប្រជាជនលុបបំបាត់ភាពក្រីក្រនៅក្នុងតំបន់គម្រោង ក្រុមទី ៥ បានកសាងគំរូនៃការវិនិយោគ រួមគ្នាក្នុងការវិនិយោគជ្រូកពូជដើម្បីជួយគ្រួសារក្រីក្រ"។

តាមរយៈការស្រាវជ្រាវ យើងដឹងថា ដោយស្ថានភាពនៃតំបន់ព្រំដែន និងតំបន់ភ្នំ អត្រាគ្រួសារក្រីក្រ និងគ្រួសារនៅជិតបន្ទាត់ក្រីក្រមានកម្រិតខ្ពស់ បន្ថែមពីលើការខ្វះខាតពូជ និងដើមទុននោះ កសិករក៏ខ្វះបទពិសោធន៍ក្នុងការអភិវឌ្ឍផលិតកម្មផងដែរ ជាពិសេសផ្នែកវិទ្យាសាស្ត្រ និងចំណេះដឹងបច្ចេកទេសអនុវត្តលើការចិញ្ចឹមសត្វ និងការដាំដុះ។

ដូច្នេះ ដើម្បីចូលរួមចំណែកក្នុងការអនុវត្តកម្មវិធីគោលដៅជាតិ ស្តីពីការកាត់បន្ថយភាពក្រីក្រប្រកបដោយនិរន្តរភាព ក្នុងរយៈពេលប៉ុន្មានឆ្នាំមកនេះ អង្គភាពសេដ្ឋកិច្ចការពារជាតិដែលឈរជើងនៅតំបន់យោធភូមិភាគ ២ បានធ្វើការបញ្ចូលគម្រោង និងកម្មវិធីកាត់បន្ថយភាពក្រីក្រជាច្រើននិងគ្នា ប្រមូលផ្តុំជាអតិបរមាដើមទុនវិនិយោគប្រកបដោយប្រសិទ្ធភាព។

ជាក់ស្តែង ប្រសិទ្ធភាពនៃការលុបបំបាត់ភាពក្រីក្រនៅតំបន់ជនជាតិភាគតិច មិនត្រឹមតែអាស្រ័យទៅលើគោលនយោបាយវិនិយោគរបស់រដ្ឋ ការគាំទ្រ និងជំនួយរបស់កងកម្លាំងប្រដាប់អាវុធប៉ុណ្ណោះទេ ប៉ុន្តែទន្ទឹមនឹងនោះ ចាំបាច់ត្រូវជំរុញឆន្ទៈ និងផ្លាស់ប្តូររបៀបគិត និងធ្វើដើម្បីឱ្យពួកគេមានទំនុកចិត្ត និងតាំងចិត្តរួចផុតពីភាពក្រីក្រដើម្បីក្លាយជាមនុស្សល្អនៅលើទឹកដីរបស់ខ្លួន៕

បកប្រែដោយ Minh Trung