ក្តីរីករាយ និងរំភើបក្នុងថ្ងៃមហាសាមគ្គីភាពដ៏អស្ចារ្យ
កប.អនឡាញ - ខេត្ត Gia Lai មានភូមិ ឃុំ សរុបចំនួន ១៤០ ជនជាតិភាគតិច ហើយក្នុងនោះមាន ភូមិ ឃុំ ចំនួន ៨៣ គឺបានឈានដល់ស្តង់ដារជនបទថ្មី និងភូមិៗជាច្រើនទៀតក៏ជិតឈានដល់គោលដៅផងដែរ។
មូលហេតុមួយនៃជោគជ័យនេះ គឺកម្លាំងមហាសាមគ្គីភាពជាតិដ៏រឹងមាំ។ មាតុភូមិមានការរីកចំរើន ជីវភាពក៏ប្រសើរឡើង ដូច្នេះហើយឆ្នាំនេះ ជនជាតិភាគតិចនៅខេត្ត Gia Lai មានថ្ងៃមហាសាមគ្គីជាតិដ៏រីករាយ និងរំភើបផងដែរ...
តាំងពីព្រលឹមស្រាងៗ តែភូមិ De Ktu (ទីប្រជុំជន ស្រុក Mang Yang) បានមានភាពអ៊ូអរដោយសំឡេងគង ឃ្មោះ និងសំណើចរបស់ប្រជាពលរដ្ឋនៅផ្ទះសហគមន៍ ដើម្បីចូលរួមពិធីបុណ្យមហាសាមគ្គីជាតិ និងរំលឹកខួប ៩១ ឆ្នាំ ទិវារណសិរ្សមាតុភូមិវៀតណាម (១៨ វិច្ឆិកា ១៩៣០/១៨ វិច្ឆិកា ២០២១)។
អញ្ជើញចូលរួមសប្បាយរីករាយជាមួយបងប្អូនមានលោក Ho Van Nien សមាជិកគណៈកម្មាធិការមជ្ឈិមបក្ស លេខាបក្សខេត្ត និងជាប្រធានក្រុមប្រឹក្សាប្រជាជនខេត្ត Gia Lai។ លោកស្រី Huel ប្រធានគណៈកម្មការរណសិរ្សភូមិ De Ktu បានមានប្រសាសន៍ថា៖ “ភូមិរបស់យើងមាន ១៣៥ គ្រួសារ ហើយ ១០០% ជាជនជាតិ Ba Na រហូតមកដល់ពេលនេះ មានគ្រួសារក្រីក្រត្រឹមតែ ១៤ គ្រួសារប៉ុណ្ណោះ។ នៅឆ្នាំ ២០២១ នឹងមាន ១២៧ គ្រួសារសម្រេចបាន "គ្រួសារវប្បធម៌" ។
|
|
លោក Ho Van Nien លេខាគណៈកម្មាធិការបក្សខេត្ត Gia Lai (ឈរដំបូងឆ្វេង) ជូនអំណោយដល់កម្មាភិបាល និងប្រជាជនភូមិ De Ktu |
ជាពិសេសប្រជាពលរដ្ឋនៅក្នុងភូមិបានស្ម័គ្រចិត្ដចូលរួមក្នុងការជួសជុលផ្លូវ លូ ដាំដើមផ្កា និងដាំដើមឈើនៅតាមសងខាងផ្លូវភូមិ។ល។ អាស្រ័យហេតុនេះ ទេសភាពបរិស្ថានត្រូវបានកែលម្អគួរឱ្យកត់សម្គាល់ ផ្លូវក្នុងភូមិតែងតែមានពណ៌បៃតង-ស្អាត-ស្រស់ស្អាត។ ប្រជាជនក៏បានផ្លាស់ប្តូរទំនៀមទំលាប់របស់ពួកគេក្នុងការចិញ្ចឹមសត្វ ហើយលែងមានបាតុភូតនៃការចិញ្ចឹមសត្វគោក្របី និងបសុបក្សីបែបប្រលែងទៀតហើយ។
ស្រដៀងនឹងភូមិ De Ktu ភូមិជនជាតិភាគតិចជាច្រើនក្នុងខេត្ត Gia Lai បានប្រារព្ធទិវាមហាសាមគ្គីជាតិ និងអបអរសាទរខួបលើកទី ៩១ ឆ្នាំនៃទិវាប្រពៃណីរណសិរ្សមាតុភូមិជាតិវៀតណាមប្រកបដោយបរិយាកាសរីករាយ និងរំភើបចិត្ត។ ភាពស្អិតរមួតក្នុងសហគមន៍ និងសាមគ្គីភាពដ៏អស្ចារ្យនៅតែបន្តកើនឡើងជាលំដាប់ក្នុងសម័យកាលថ្មី។ ទិវាសាមគ្គីភាពជាតិដ៏អស្ចារ្យក៏ផ្តល់កិត្តិយសដល់គំរូល្អ ការអនុវត្តល្អ និងគំរូនៃការលះបង់ខ្លួនឯងចំពោះសហគមន៍ផងដែរ។ ទាំងនោះគឺជាការផ្លាស់ប្តូរជាវិជ្ជមាននៅក្នុងភូមិចំនួន ៤ គឺ Pong, Hek, Tro និង Kinh Peng (ឃុំ Chu A Thai ស្រុក Phu Thien) មិនត្រឹមតែបញ្ចប់ស្ថានភាពប្រជាជនចាកចេញពីភូមិទៅភ្នំរស់នៅដោយឯកោ។
ដើម្បីលើកកម្ពស់ដោយឥតឈប់ឈរនូវភាពរឹងមាំនៃមហាសាមគ្គីជាតិដ៏មហិមា និងកសាងមាតុភូមិដ៏សម្បូរបែបនោះ គណៈកម្មាធិការបក្ស អាជ្ញាធរដែនដី និងប្រជាពលរដ្ឋគ្រប់រូបត្រូវតែបន្តអនុវត្តឱ្យបានល្អនូវគោលការណ៍ណែនាំរបស់បក្ស គោលនយោបាយ និងច្បាប់របស់រដ្ឋ
ទិវាមហាសាមគ្គីភាពជាតិដ៏អស្ចារ្យឆ្នាំនេះ ត្រូវបានណែនាំដោយគណៈអចិន្ត្រៃយ៍នៃគណៈកម្មាធិការរណសិរ្សមាតុភូមិវៀតណាមនៃខេត្ត Gia Lai ដើម្បីរៀបចំដោយបត់បែនទៅតាមកាលៈទេសៈសមស្របនឹងស្ថានភាពនៅមូលដ្ឋាន ផ្តោតលើការសរសើរសមូហភាព បុគ្គល និងគ្រួសារដែលមានស្នាដៃឆ្នើមក្នុងការអនុវត្តនូវរាល់ការចលនាប្រលងប្រណាំង ការឃោសនា ការចុះសួរសុខទុក្ខនិងចែកអំណោយដល់គ្រួសារទទួលរបបគោលនយោបាយពីរដ្ឋ ប្រជាពលរដ្ឋដែលមានគុណចំពោះបដិវត្តន៍ គ្រួសារក្រីក្រ និងជួបការលំបាក...
ចំពោះមូលដ្ឋានដែលកំពុងអនុវត្តការបិទផ្លូវ និងការរក្សាគម្លាតសង្គម ដើម្បីការពារនិងគ្រប់គ្រងការរីករាលដាលនៃមេរោគ Covid-19 គឺផ្តោតលើការផ្សព្វផ្សាយ ការចលនា ការដាស់តឿនស្មារតីនៃសាមគ្គីភាពដ៏អស្ចារ្យ ជំនះការលំបាក និងការអនុវត្តយ៉ាងតឹងរឹងនូវរាល់បទប្បញ្ញត្តិនៃការរៀបចំសកម្មភាពមនុស្សធម៌ ជួយគ្រួសារ និងបុគ្គលដែលមានការលំបាក...៕
បកប្រែដោយ Minh Trung