គោលនយោបាយ និងការអភិវឌ្ឍ
បង្កើនការទទួលបានព័ត៌មានរបស់ជនជាតិភាគតិច
កប.អនឡាញ - សិទ្ធិទទួលបានព័ត៌មានគឺជាសិទ្ធិមូលដ្ឋានមួយរបស់ពលរដ្ឋដូចដែលមានចែងក្នុងរដ្ឋធម្មនុញ្ញឆ្នាំ ២០១៣។ ច្បាប់ស្តីពីសិទ្ធិទទួលព័ត៌មានឆ្នាំ ២០១៦ ក៏បានចែងយ៉ាងច្បាស់អំពីសិទ្ធិ និងកាតព្វកិច្ចរបស់ពលរដ្ឋក្នុងការទទួលបានព័ត៌មាន រួមទាំងការទទួលខុសត្រូវ និងកាតព្វកិច្ចរបស់ស្ថានប័នរដ្ឋក្នុងការធានាសិទ្ធិរបស់ពលរដ្ឋក្នុងការទទួលបានព័ត៌មាន។
អនុក្រឹត្យលេខ ១៣/២០១៨/NĐ-CP ចុះថ្ងៃទី២៣ ខែមករា ឆ្នាំ២០១៨ របស់រដ្ឋាភិបាលបានកំណត់យ៉ាងលម្អិត និងដាក់ចេញវិធានជាក់លាក់ស្តីពីការអនុវត្តច្បាប់ស្ដីពីសិទ្ធិទទួលព័ត៌មាន ដែលក្នុងនោះបានដាក់ចេញវិធានការនានាដើម្បីបង្កើតលក្ខខណ្ឌអំណោយផលសម្រាប់ប្រជាជនរស់នៅតំបន់ព្រំដែន កោះ តំបន់ភ្នំ តំបន់ដែលមានសេដ្ឋកិច្ចសង្គមមានការលំបាកខ្លាំង និងជនពិការ ក្នុងការអនុវត្តសិទ្ធិទទួលបានព័ត៌មាន។
អនុក្រឹត្យនេះក៏ចែងផងដែរថា ការផ្តល់ព័ត៌មានត្រូវអនុវត្តតាមទម្រង់ផ្សេងៗគ្នាដែលសមស្របនឹងមុខសញ្ញានីមួយៗ និងតំបន់នីមួយៗ។ ចាប់តាំងពីពេលនោះមក ជនជាតិភាគតិចដែលភាគច្រើនរស់នៅតំបន់ភ្នំ តំបន់ព្រំដែនកោះ និងតំបន់ដែលមានស្ថានភាពសេដ្ឋកិច្ចសង្គមមានការលំបាកខ្លាំង បានមានឱកាសទទួលបានព័ត៌មានសេដ្ឋកិច្ច នយោបាយ និងសង្គមយ៉ាងពេញលេញដើម្បីបម្រើជីវភាពរស់នៅប្រចាំថ្ងៃ និងលើកកំពស់ការយល់ដឹង និងចំណេះដឹង។
|
|
រូបថតឧទាហរណ៍៖ international.viettel.vn |
ព័ត៌មានត្រូវបានផ្តល់ជាចម្បងតាមរយៈគេហទំព័ររបស់ស្ថាប័នរដ្ឋ ប្រព័ន្ធវិទ្យុទូរទស្សន៍មជ្ឈិមនិងមូលដ្ឋាន កម្មវិធីទូរទស្សន៍ចាក់ផ្សាយជាភាសាជនជាតិភាគតិច និងប្រព័ន្ធបញ្ជូនព័ត៌មានផ្សេងទៀត រួមទាំងឯកសារតាមជំនាញ ខិត្តប័ណ្ណ សៀវភៅ កាសែត និងអ៊ីនធឺណិត...
អាចឃើញថា រដ្ឋាភិបាលបានយកចិត្តទុកដាក់ជាពិសេសចំពោះបញ្ហាព័ត៌មានសម្រាប់ជនជាតិភាគតិច ហើយក៏បានអនុវត្តកម្មវិធី និងគម្រោងជាច្រើនដើម្បីនាំយកព័ត៌មានទៅមនុស្សគ្រប់រូប។ យោងតាមលទ្ធផលនៃការធ្វើជំរឿនប្រជាជន និងគេហដ្ឋាន ឆ្នាំ២០១៩ ឲ្យដឹងថា ឱកាសទទួលបានព័ត៌មានរបស់ជនជាតិភាគតិចកំពុងកើនឡើងកាន់តែខ្លាំង អាត្រានៃគ្រួសារជនជាតិភាគតិចដែលប្រើអ៊ីនធឺណិតសម្រេចបាន ៦១,៣% ពោលគឺកើនឡើងជាង ៩ ដង បើប្រៀបធៀបនឹងឆ្នាំ ២០១៥៕
បកប្រែដោយ Duy Hoan