ទំនុកទុកចិត្តឆ្ពោះទៅថ្ងៃបោះឆ្នោត
កប.អនឡាញ - នាពេលកន្លងមក តំបន់មូលដ្ឋាននៅទូទាំងប្រទេស រួមទាំងតំបន់ដាច់ស្រយាល និងតំបន់ជនជាតិភាគតិច បានត្រៀមរៀបចំសម្រាប់ការបោះឆ្នោតសមាជិកសភានីតិកាលទី ១៥ និងសមាជិកក្រុមប្រឹក្សាប្រជាជនគ្រប់លំដាប់ថ្នាក់អាណត្ដិ ២០២១ - ២០២៦។
|
|
ការផ្សព្វផ្សាយអំពីការបោះឆ្នោតឲ្យប្រជាជនឃុំ Trung Son ស្រុក Yen Son ខេត្ត Tuyen Quang |
ឃុំ Trung Son ស្រុក Yen Son ខេត្ត Tuyen Quang គឺជាតំបន់ពិសេស ដោយមានប្រជាជន ជាជនរួមជាតិភាគតិចជាង ៩០%។ ការយល់ដឹងរបស់ប្រជាជននៅមានកម្រិត អាស្រ័យហេតុនេះ ការត្រៀមរៀបចំការបោះឆ្នោតត្រូវបានអាជ្ញាធររៀបចំឲ្យស្របតាមសភាពការជាក់ស្ដែង។ កម្លាំងរៀបចំការបោះឆ្នោតទាំងឡាយត្រូវតែចុះទៅភូមិនិមួយៗ និងផ្ទះនិមួយៗដើម្បីឃោសនាអំពីមាគ៌ា គោលនយោបាយ គោលការណ៍ និងច្បាប់របស់បក្ស រដ្ឋ និងបទប្បញ្ញត្តិក្នុងការបោះឆ្នោត។ អាជ្ញាធរឃុំបានលើកកម្ពស់តួនាទីរបស់អ្នកមានកិត្យានុភាពក្នុងការធ្វើចលនាមហាជន មិនទុកឲ្យសមាសភាពអាក្រក់ទាញយកផលប្រយោជន៍ពីការបំភ្លៃ និងញុះញង់។
លោកស្រី Then Thi Ot នៅភូមិ Dong Meo ឃុំ Trung Son បានចែករំលែកថា យើងកំពុងទន្ទឹងរង់ចាំថ្ងៃដែលបានកាន់សន្លឹកឆ្នោត ដើម្បីអនុវត្តសិទ្ធិជាម្ចាស់ឆ្នោតរបស់ខ្លួន។ អរគុណកម្មាភិបាលឃុំណាស់ ដែលមកផ្ទះយើងដើម្បីផ្សព្វផ្សាយអំពីការបោះឆ្នោត និងជូនបញ្ជីឈ្មោះបេក្ខជនឈរឈ្មោះបោះឆ្នោតឲ្យយើង។ លោក Ban Van Than លេខារងនៃគណៈកម្មាធិការបក្សឃុំ ប្រធានគណៈកម្មាធិការប្រជាជនឃុំ Trung Son បានឲ្យដឹងថា យើងបានបិទបញ្ជីឈ្មោះបេក្ខជនឈរឈ្មោះបោះឆ្នោតនៅតាមក្រុម និងភូមិនិមួយៗ ព្រមទាំង គណៈកម្មការរៀបចំការបោះឆ្នោតក៏បានបែងចែកភារកិច្ចឲ្យកម្មភិបាលម្នាក់ៗ រៀបចំយុទ្ធនាការឃោសនាបោះឆ្នោតស្របតាមច្បាប់។
ដោយការច្នៃប្រឌិតស្របតាមសភាពការណ៍ជាក់ស្ដែង ឃុំ Trung Son បានរៀបចំល្អសម្រាប់ថ្ងៃបោះឆ្នោត។ ម្ចាស់ឆ្នោតទាំង ១០០% ជាជនជាតិភាគតិច បានឆ្ពោះទៅរកថ្ងៃបោះឆ្នោតដោយរំពឹងទុកថា ជោគជ័យនៃការបោះឆ្នោតនឹងនាំមកនូវជីវភាពធូធារសម្រាប់ភូមិ៕
បកប្រែដោយ Thuy Anh