វៀតណាមទទួលវ៉ាក់សាំង Pfizer ជាង ២.៦ លានដូសដែលឧបត្ថម្ភដោយអាមេរិក

នាថ្ងៃទី២៤ ខែតុលា វ៉ាក់សាំង ១,៣១៧,៤២០ ដូសបានមកដល់ទីក្រុងហាណូយ និងវ៉ាក់សាំង ១,៣១៦,២៥០ ដូសបានមកដល់ទីក្រុងហូជីមិញនាថ្ងៃទី២៥ ខែតុលា។ នេះជាលើកទី៦ ដែលអាមេរិកឧបត្ថម្ភវ៉ាក់សាំងដល់វៀតណាមតាមរយៈយន្តការ COVAX ដូច្នេះ មកទល់បច្ចុប្បន្ន អាមេរិកបានឧបត្ថម្ភជូនវៀតណាមវ៉ាក់សាំង ឡើងទៅដល់  ១២.១ លានដូស។

វៀតណាមទទួលវ៉ាក់សាំង Pfizer ជាង ២.៦ លានដូសដែលឧបត្ថម្ភដោយអាមេរិក (រូបថត៖ afp.com)

សូមរំលឹកថា ក្នុងកិច្ចប្រជុំកំពូលជំងឺ Covid-19 សកលលោកដែលប្រព្រឹត្តទៅនាថ្ងៃទី២២ ខែកញ្ញា ប្រធានាធិបតីអាមេរិកលោក Joe Biden សន្យាផ្ដល់វ៉ាក់សាំង Pfizer ៥០០ លានដូសដល់ប្រទេសចំនួន ៩២ ដែលមានចំណូលទាបនិងមធ្យម និងសហភាពអាហ្រ្វិក ហើយដំឡើងកិច្ចសន្យារបស់សហរដ្ឋអាមេរិកកើនឡើង  ១.១ ពាន់លានដូសសម្រាប់ទូទាំងពិភពលោក៕

បកប្រែដោយ Thuy Anh