វៀតណាមបានទទួលវ៉ាក់សាំង Moderna ការពារ Covid-19 ចំនួន ៣ លានដូស ដែលឧបត្ថម្ភដោយសហរដ្ឋអាមេរិកតាមរយៈយន្តការ COVAX
កប.អនឡាញ - នាព្រឹកថ្ងៃទី ២៥ ខែកក្កដា ក្រសួងសុខាភិបាលបានឱ្យដឹងថា វៀតណាមបានទទួលវ៉ាក់សាំង Moderna ចំនួន ៣,០០០,០៦០ ដូសបន្ថែមទៀតដែលឧបត្ថម្ភដោយរដ្ឋាភិបាលសហរដ្ឋអាមេរិកតាមរយៈយន្តការ COVAX ដែលក្នុងនោះ វ៉ាក់សាំងចំនួន ១,៤៩៩,៩៦០ ដូសត្រូវបានបញ្ជូនទៅទីក្រុងហូជីមិញកាលពីថ្ងៃទី២៤ ខែកក្កដា ហើយវ៉ាក់សាំងចំនួន ១,៥០០,១០០ ដូសនឹងមកដល់ទីក្រុងហាណូយនៅថ្ងៃទី ២៥ ខែកក្កដា។
នេះជាចំនួនវ៉ាក់សាំង Moderna លើកទី ២ មកដល់វៀតណាមក្នុងខែនេះធ្វើឱ្យចំនួនវ៉ាក់សាំងសរុបដែលត្រូវបានឧបត្ថម្ភដោយរដ្ឋាភិបាលសហរដ្ឋអាមេរិកជូនចំពោះវៀតណាមតាមរយៈយន្តការ COVAX កើនឡើងដល់ជាង ៥ លានដូស។
    |
 |
|
មកទល់បច្ចុប្បន្ននេះ វៀតណាមបានទទួលវ៉ាក់សាំងការពារ Covid-19 ចំនួន ៧,៤៩៣,៣០០ តាមរយៈយន្តការ COVAX (រូបថត៖ UNCEF) |
វ៉ាក់សាំងដែលត្រូវបានគាំទ្រតាមរយៈយន្ដការចែករំលែកវ៉ាក់សាំងរបស់ COVAX គឺប្រទេសដែលមានវ៉ាក់សាំងសម្បូណ៍ នឹងចែករំលែកជូនប្រទេសដទៃទៀតដើម្បីជួយការពារក្រុមអ្នកដែលមានហានិភ័យបំផុតនៅទូទាំងពិភពលោក។ វ៉ាក់សាំងទាំងនេះនឹងចូលរួមចំណែកដល់ការសំរេចគោលដៅចាក់វ៉ាក់សាំងចំនួន ២០ ភាគរយនៅក្នុងប្រទេសដែលមានប្រាក់ចំណូលទាប និងមធ្យមក្នុងដំណាក់កាលចែកចាយវ៉ាក់សាំងដំបូង។
មកទល់បច្ចុប្បន្ននេះ វៀតណាមបានទទួលវ៉ាក់សាំងការពារ Covid-19 ចំនួន ៧,៤៩៣,៣០០ តាមរយៈយន្តការ COVAX រួមមានវ៉ាក់សាំង Moderna ចំនួន ៥,០០០,១០០ ដូសដែលឧបត្ថម្ភដោយរដ្ឋាភិបាលសហរដ្ឋអាមេរិក និងវ៉ាក់សាំង AstraZeneca ចំនួន ២,៤៩៣,២០០ ដូស៕
បកប្រែដោយ Huyen Trang