សូចនាករវិជ្ជមានសម្រាប់សេដ្ឋកិច្ចវៀតណាមនៅឆ្នាំ ២០២១
កប.អនឡាញ - យោងតាមអ្នកជំនាញសេដ្ឋកិច្ច លោកបណ្ឌិត Le Duy Binh នាយកគ្រប់គ្រងក្រុមហ៊ុន Economica វៀតណាម បានអោយដឹងថា ក្នុងរយៈពេល ២ ខែដើមឆ្នាំនេះ សេដ្ឋកិច្ចរបស់វៀតណាមមានការរីកចម្រើន និងងើបឡើងវិញយ៉ាងវិជ្ជមាន ដែលបានបង្ហាញតាមរយៈសូចនាករមួយចំនួននៃការអភិវឌ្ឍន៍ក្នុងវិស័យមួយចំនួនដូចជាកសិកម្ម ព្រៃឈើ ឧស្សាហកម្ម…។
|
|
(រូបថតឧទាហរណ៍៖ ទស្សនាវដ្តីហិរញ្ញវត្ថុ) |
បើយោងទៅតាមអ្នកជំនាញសេដ្ឋកិច្ច លោកបណ្ឌិត Le Duy Binh ឲ្យដឹងថា ក្នុងរយៈពេលខាងមុខអាចរំពឹងថានឹងមានការអភិវឌ្ឍលើវិស័យមួយចំនួន៖ ទីមួយគឺវិស័យកែច្នៃ ផលិតកម្ម និងផលិតកម្មឧស្សាហកម្មសម្រាប់ការនាំចេញ ដោយសាតែតម្រូវការរបស់ពិភពលោកកំពុងមានការងើបឡើងវិញ រួមទាំងការប្តូរខ្សែសង្វាក់ផលិតកម្មមួយចំនួនទៅកាន់វៀតណាម។
ទី ២ ផលិតផលដែលផលិតសម្រាប់ប្រើប្រាស់ក្នុងស្រុកនឹងអាចអភិវឌ្ឍបាន។ ទីបី វិស័យកសិកម្មនៅតែបន្តធានាបាននូវភាពធន់ដ៏រឹងមាំរបស់ខ្លួន។ វិស័យកសិកម្មកំពុងឆ្ពោះទៅរកទីផ្សារក្រៅប្រទេសដើម្បីទទួលបានតំលៃបន្ថែមខ្ពស់ជាងទៀតនៅក្នុងវិស័យកសិកម្ម”។
លើសពីនេះទៀត ប្រសិនបើជំងឺរាតត្បាតត្រូវបានគ្រប់គ្រង សេវាកម្មពាក់ព័ន្ធមួយចំនួនដូចជាទេសចរណ៍នឹងងើបឡើងវិញយ៉ាងឆាប់រហ័ស។ ទាក់ទងនឹងនោះគឺជាវិស័យភស្តុភារ ដែលក្នុងនោះការដឹកជញ្ជូន និងសេវាកម្មផ្សេងទៀតនឹងងើបឡើងវិញបន្តិចម្តងៗ បើប្រៀបធៀបទៅនឹងឆ្នាំ ២០២០ ៕
បកប្រែដោយ Duy Hoan