វៀតណាមបញ្ជូនពលរដ្ឋជាង ៣៤០ នាក់ពីប្រទេសរុស្ស៊ីវិលត្រឡប់មកប្រទេសវិញ
កប.អនឡាញ - នាថ្ងៃទី១០ ខែសីហា ស្ថាប័នមានសមត្ថកិច្ចវៀតណាម ស្ថានទូតវៀតណាមប្រចាំនៅសហព័ន្ធរុស្ស៊ី និងក្រុមហ៊ុនអាកាសចរណ៍ជាតិវៀតណាមបានសហការជាមួយស្ថាប័នមានសមត្ថកិច្ចរុស្ស៊ីបញ្ជូនពលរដ្ឋវៀតណាមជាង ៣៤០ នាក់ពីប្រទេសរុស្ស៊ីវិលត្រឡប់មកប្រទេសវិញ។
អ្នកដំណើរទាំងនេះរួមមានក្មេងអាយុក្រោម ១៨ ឆ្នាំ មនុស្សចាស់ជរា អ្នកមានជំងឺប្រចាំកាយ ពលករ ពលការិនីផុតកំណត់កិច្ចសន្យាការងារ និងករណីជួបការលំបាកខ្លាំងផ្សេងទៀត។
ស្ថានទូតវៀតណាមប្រចាំសហព័ន្ធរុស្ស៊ីបានសហការយ៉ាងជិតស្និទ្ធជាមួយស្ថាប័នមានសមត្ថកិច្ចនៃប្រទេសសាមីជួយ និងបង្កលក្ខណៈងាយស្រួលសម្រាប់ពលរដ្ឋវៀតណាមទៅដល់ព្រលានយន្តហោះ និងបញ្ជូនកម្មាភិបាលទៅជួយពលរដ្ឋវៀតណាមនៅព្រលានយន្តហោះ៕
បកប្រែដោយ Thuy Anh