ជំរុញកិច្ចសហប្រតិបត្តិការរវាង VCCI និងយូនីសេហ្វ
កប.អនឡាញ - យូនីសេហ្វរំពឹងថា ការគាំទ្រ និងកិច្ចសហប្រតិបត្តិការរបស់ VCCI នឹងជម្រុញបញ្ហានានាស្តីពីកុមារនិងគោលការណ៍ធ្វើអាជីវកម្មក្នុងសហគ្រាសនាពេលខាងមុខ។
ក្នុងជំនួបជាមួយលោកស្រី Rana Flowers តំណាងអង្គការយូនីសេហ្វប្រចាំនៅវៀតណាម លោក Nguyen Quang Vinh អគ្គលេខាធិការនៃសភាពាណិជ្ជកម្មនិងឧស្សាហកម្មវៀតណាម (VCCI) បានផ្លាស់ប្តូរទស្សនៈស្តីពីទិសដៅសហប្រតិបត្តិការនាពេលអនាគត។
លោក Nguyen Quang Vinh បានថ្លែងអំណរគុណចំពោះការចូលរួមចំណែករបស់អង្គការយូនីសេហ្វនាពេលថ្មីៗនេះតាមរយៈគម្រោងស្តីពី “ការលើកកម្ពស់សិទ្ធិកុមារនិងគោលការណ៍ធ្វើអាជីវកម្មក្នុងសហគ្រាសនៅប្រទេសវៀតណាម”។ ជាពិសេសគឺការចូលរួមចំណែករបស់យូនីសេហ្វចំពោះជោគជ័យនៃសន្និសីទជាតិស្តីពីការអភិវឌ្ឍប្រកបដោយចីរភាពដែលបានធ្វើឡើងនៅថ្ងៃទី ១២ ខែកញ្ញា កន្លងមក ក្នុងក្របខ័ណ្ឌនៃសិក្ខាសាលាស្តីពី “ការអភិវឌ្ឍមូលធនមនុស្ស” ។
|
|
លោក Nguyen Quang Vinh ទទួលជួពលោកស្រី Rana Flowers (រូបថត៖ enternews.vn) |
លោកស្រី Rana Flowers បានមានប្រសាសន៍ថា អង្គការយូនីសេហ្វយកចិត្តទុកដាក់យ៉ាងខ្លាំងចំពោះតួនាទី និងបទពិសោធន៍របស់ VCCI ក្នុងការលើកកម្ពស់និរន្តរភាព និងទំនួលខុសត្រូវចំពោះសង្គមរបស់សហគ្រាសក្នុងវិស័យឯកជន ក៏ដូចជាការលើកកម្ពស់ការអភិវឌ្ឍការធ្វើអាជីវកម្ម។ ទន្ទឹមនឹងនេះ យូនីសេហ្វរំពឹងថា VCCI មិនត្រឹមតែជាដៃគូយុទ្ធសាស្រ្តប៉ុណ្ណោះទេ ថែមទាំងជា “មគ្គុទេសក៍” សម្រាប់យូនីសេហ្វក្នុងបញ្ហានានាដែលទាក់ទងនឹងសហគ្រាសផងដែរ។
យោងទៅតាមលោកស្រី Rana តួនាទីរបស់សហគ្រាសក្នុងការលើកកម្ពស់បញ្ហាការពារកុមារនិងស្ត្រីគឺពិតជាមានសារៈសំខាន់ណាស់។ ដូច្នេះ អង្គការយូនីសេហ្វទមានបំណងចង់ទទួលបានការគាំទ្រនិងកិច្ចសហប្រតិបត្តិការពី VCCI ដែលជាអង្គការជាតិតំណាងឲ្យសហគមន៍សហគ្រាសនិងសហគ្រិននៅប្រទេសវៀតណាមក្នុងការលើកកម្ពស់បញ្ហាស្តីពីកុមារ និងគោលការណ៍ធ្វើអាជីវកម្មក្នុងសហគ្រាស៕
បកប្រែដោយ Duy Hoan