Google ត្រៀមខ្លួនជួយទ្រទ្រង់វៀតណាមចូលរួមក្នុងដំណើរការសេដ្ឋកិច្ចឌីជីថល
កប.អនឡាញ - នារសៀលថ្ងៃទី ១៥ សីហា នៅទីស្នាក់ការមជ្ឈិមបក្ស លោក Nguyen Van Binh ប្រធានគណៈកម្មាធិការសេដ្ឋកិច្ចមជ្ឈិមវៀតណាម បានទទួលជួបលោក Scott Beaumont ប្រធាន Google នៅក្នុងតំបន់អាស៊ី - ប៉ាស៊ីហ្រ្វិក និងលោក Ted Osius អតីតឯកអគ្គរដ្ឋទូតអាមេរិកប្រចាំនៅវៀតណាមដែលបច្ចុប្បន្ននេះជាអនុប្រធានទទួលបន្ទុកគោលនយោបាយសាធារណៈ និងទំនាក់ទំនងរដ្ឋាភិបាលរបស់ Google នៅក្នុងតំបន់អាស៊ី - ប៉ាស៊ីហ្វិក។
    |
 |
|
លោក Nguyen Van Binh បានទទួលជួបលោក Scott Beaumont (រូបថត៖ baodansinh.vn) |
នៅក្នុងជំនួប លោក Nguyen Van Binh បានវាយតម្លៃខ្ពស់ចំពោះគំនិតផ្តួចផ្តើមនិងកម្មវិធីរបស់ Google ដែលកំពុងដំណើរការនៅវៀតណាម។ ព្រមទាំងលោកបញ្ជាក់ថា បក្សនិងរដ្ឋវៀតណាមតែងតែបង្កលក្ខណៈងាយស្រួលសម្រាប់បណ្ដាសហគ្រាសចូលមកវិនិយោគនិងធ្វើអាជីវកម្មនៅវៀតណាម។
លោក Scott Beaumont បានសង្កត់ធ្ងន់លើសេដ្ឋកិច្ចឌីជីថលដែលជានិន្នាការមួយក្នុងចំណោមនិន្នាការសំខាន់ៗរបស់ពិភពលោកដែលអាចនាំមកនូវផលប្រយោជន៍ដ៏ធំធេង ហើយវៀតណាមពិតប្រកដថានឹងទទួលបានផលប្រយោជន៍ពីសេដ្ឋកិច្ចឌីជីថល។ លោកសង្កត់ធ្ងន់ថា Google ត្រៀមខ្លួនជួយទ្រទ្រង់វៀតណាមចូលរួមក្នុងដំណើរការនេះ៕
បកប្រែដោយ Pham Diep