ស្ថានទូតបារាំងប្រចាំនៅទីក្រុងហាណូយបើកសម្ពោធស្ថានីយឃ្លាំមើលគុណភាពខ្យល់នៅទីក្រុងហាណូយ
កប.អនឡាញ - នាព្រឹកថ្ងៃទី១៦ ខែកក្កដា ស្ថានទូតបារាំងប្រចាំនៅទីក្រុងហាណូយបានបើកសម្ពោធស្ថានីយឃ្លាំមើលគុណភាពខ្យល់នៅទីក្រុងហាណូយ ដោយមានការអញ្ជើញចូលរួមរបស់លោក Nguyen Duc Chung ប្រធានគណៈកម្មាធិការប្រជាជនទីក្រុងហាណូយ លោកស្រី Valerie Pecresse ប្រធានក្រុមប្រឹក្សាតំបន់ Ile de France និងលោក Bertrand Lortholary ឯកអគ្គរដ្ឋទូតបារាំងប្រចាំនៅវៀតណាម។
ស្ថានីយឃ្លាំមើលគុណភាពខ្យល់ស្ថិតនៅបរិវេណនៃស្ថានទូតបារាំងប្រចាំនៅទីក្រុងហាណូយ និងប្រតិបត្ដិការដោយស្វ័យប្រវត្តិ ពេញ ២៤ ម៉ោង លើ ២៤ម៉ោង។ ស្ថានីយនឹងត្រូវបានតភ្ជាប់ជាមួយបណ្ដាញរួមរបស់ទីក្រុងហាណូយ និងជួយស្រាវជ្រាវអំពីការបំពុលបរិស្ថាន និងមូលហេតុនៃការបំពុល។ ស្ថានីយថ្មីនេះគឺជាផ្នែកមួយនៃគម្រោងជួយឧបត្ថម្ភខាងបច្ចេកទេស AFD/Airparif អំពីគុណភាពខ្យល់ ដោយមានស្ថានីយ ENVEA ចំនួន១០ របស់សហគ្រាសបារាំងនៅទីក្រុងហាណូយ៕
បកប្រែដោយ Thuy Anh