ពិធីសម្ពោធដាក់ឲ្យប្រើប្រាស់ជាផ្លូវការ និងប្រគល់ផ្ទះមេត្តាធម៌
កប.អនឡាញ - នាព្រឹកថ្ងៃទី ១៣ ខែកក្កដា ក្រុមការងារនៃកាសែតកងទ័ពប្រជាជនវៀតណាមបានសហការជាមួយសម្ព័ន្ធក្រុមហ៊ុន Vingroup ធនាគារពាណិជ្ជកម្មវិនិយោគ និងអភិវឌ្ឍវៀតណាម និងមន្ទីរពេទ្យយោធា ១០៣ រៀបចំពិធីសម្ពោធដាក់ឲ្យប្រើប្រាស់ជាផ្លូវការ និងប្រគល់ផ្ទះមេត្ដធម៌ជូនគ្រួសារលោកស្រី Quach Thi Niem នៅឃុំ Huong Nhuong ស្រុក Lac Son ខេត្ដ Hoa Binh ដោយមានជីវភាពរស់នៅលំបាក។
    |
 |
|
លោកវរសេនីយ៍ឯក Phung Kim Lan អគ្គនិពន្ធនាយករងនៃកាសែតកងទ័ពប្រជាជនបានប្រគល់អំណោយជូនគ្រួសារលោកស្រី Quach Thi Niem |
លោកស្រី Quach Thi Niem ជាកូនប្រសារបស់យុទ្ធជនពលីជីវិតលោក Bui Van Doi ដែលពលីកាលពីសម័យសង្គ្រាមប្រឆាំងនឹងអាមេរិក
គួររំលឹកថា នៅក្នុងការប្រណាំងកង់ "ឆ្ពោះទៅទីក្រុង Dien Bien Phu - 2019 ពានរង្វាន់កាសែតកងទ័ពប្រជាជនកន្លងទៅ សម្ព័ន្ធក្រុមហ៊ុន Vingroup បានផ្ដល់ទឹកប្រាក់ចំនួន ៧០ លានដុងដើម្បីសាងសង់ផ្ទះមេត្ដាធម៌ជូនគ្រួសារលោកស្រី Quach Thi Niem។ អាធ្ញាធរមូលដ្ឋាន និងបញ្ជាការដ្ឋានយោធាស្រុក Lac Son និងប្រជាពលរដ្ឋនៅមូលដ្ឋានបានចូលរួមសាងសង់ផ្ទះមេត្ដាធម៌នេះ ដោយក្នុងទឹកប្រាក់សរុប ១៣០ លានដុង។
ក្នុងឱកាសនេះដែរ ធនាគារពាណិជ្ជកម្មវិនិយោគនិងអភិវឌ្ឍវៀតណាមក៏បានផ្ដល់អំណោយចំនួន ៥០ កញ្ចប់ជូនគ្រួសារទទួលរបបគោលនយោបាយឧបត្ថម្ភចំនួន ៥០ គ្រួសារដែលមានជីវភាពរស់នៅលំបាកនៅឃុំ Huong Nhuong ស្រុក Lac Son ខេត្ដ Hoa Binh ដែរ៕
បកប្រែដោយ Pham Diep