នាយករដ្ឋមន្រ្តីវៀតណាមលោក Nguyen Xuan Phuc បានទទួលជួបអគ្គនាយកនៃសម្ព័ន្ធក្រុមហ៊ុន JG Summit Holdings
កប.អនឡាញ - នាព្រឹក ថ្ងៃទី១៧ មិថុនា នៅទីស្នាក់ការរដ្ឋាភិបាល នាយករដ្ឋមន្ត្រីវៀតណាម លោក Nguyen Xuan Phuc បានទទួលជួបលោក Lance Y.Gokongwei អគ្គនាយកនៃសម្ព័ន្ធក្រុមហ៊ុន JG Summit Holdings ដែលជាសហគ្រាសមួយក្នុងចំណោមសហគ្រាសធំបំផុតរបស់ហ្វីលីពីនវិនិយោគនៅវៀតណាម។
|
|
នាយករដ្ឋមន្ត្រីវៀតណាម លោក Nguyen Xuan Phuc ទទួលជួបលោក Lance Y.Gokongwei អគ្គនាយកនៃសម្ព័ន្ធក្រុមហ៊ុន JG Summit Holdings (រូបថត៖ vnanet.vn) |
នៅក្នុងជំនួប លោក Lance Y. Gokongwei មានបំណងចង់វិនិយោគនិងអភិវឌ្ឍវិស័យតែរបស់វៀតណាម។ លោកក៏បានឲ្យដឹងថា សម្ព័ន្ធក្រុមហ៊ុនមានកម្មវិធីកែច្នៃប្លាស្ទិចឡើងវិញ និងសហការជាមួយសហគ្រាសផ្សេងទៀតក្នុងការទប់ស្កាត់នឹងកាកសំណល់ប្លាស្ទិចនិងចូលរួមកម្មវិធីឧស្សាហកម្ម 4.0។
នាយករដ្ឋមន្ដ្រីវៀតណាម លោក Nguyen Xuan Phuc យល់ព្រមជាមួយការលើកឡើងរបស់លោក Lance Y.Gokongwei ព្រមទាំងលោកបានឲ្យដឹងថា វៀតណាមមានសក្តានុពលជាច្រើនលើវិស័យកែច្នៃនិងនាំចេញ ហើយលើកទឹកចិត្ដសហគ្រាសក្នុងការកែច្នៃផលិតផលនិងបង្កើនតម្លៃសម្រាប់ការនាំចេញ។
លោកនាយករដ្ឋមន្ត្រីបានរំពឹងថា សម្ព័ន្ធក្រុមហ៊ុនបន្ដសិក្សាស្រាវជ្រាវ និងអភិវឌ្ឍផលិតផលដ៏ទៃទៀតរបស់វៀតណាមសម្រាប់ការនាំចេញ។ រដ្ឋាភិបាលវៀតណាមនឹងបង្កលក្ខណៈងាយស្រួលសម្រាប់វិនិយោគិនបរទេសធ្វើអាជីវកម្ម ប្រកបដោយជោគជ័យនៅវៀតណាម ព្រមទាំងសង្ឃឹមថា សម្ព័ន្ធក្រុមហ៊ុននេះនឹងចូលរួមយ៉ាងសកម្មជាមួយវៀតណាមក្នុងការកាត់បន្ថយការប្រើប្រាស់ថង់ប្លាស្ទិច៕
បកប្រែដោយ Pham Diep