ផ្តល់អំណោយជូនសិស្សសាលាមិត្តភាពខ្មែរ-វៀតណាម
កប.អនឡាញ - នាព្រឹកថ្ងៃទី២ ខែសីហា លោកស្រី Vu Thi Bich Ngoc ភរិយារបស់រដ្ឋមន្ត្រីការបរទេសវៀតណាម រួមជាមួយនិងភរិយារបស់ឯកអគ្គរដ្ឋទូតវៀតណាមប្រចាំនៅកម្ពុជា រួមទាំងកម្មាភិបាលការទូតវៀតណាមមួយចំនួន បានអញ្ជើញទៅសួរសុខទុក្ខ និងប្រគល់អំណោយជូនសិស្សានុសិស្សនៃសាលាបឋមសិក្សាមិត្តភាពខ្មែរ-វៀតណាម ខេត្តព្រៃវែង ប្រទេសកម្ពុជា។
នេះជាសកម្មភាពក្នុងក្របខណ្ឌនៃកម្មវិធីភរិយារបស់រដ្ឋមន្ត្រីការបរទេសដែលចូលរួមកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ (AMM-55) ដែលប្រព្រឹត្តទៅនៅព្រះរាជាណាចក្រកម្ពុជា ចាប់ពីថ្ងៃទី ១ ដល់ថ្ងៃទី ៦ ខែសីហា។
|
|
ភរិយារដ្ឋមន្ត្រីការបរទេសវៀតណាម លោកស្រី Vu Thi Bich Ngoc (អាវក្រហម) ជូនអំណោយដល់នាយកសាលាបឋមសិក្សាមិត្តភាពខ្មែរវៀតណាម ខេត្តព្រៃវែង (រូបថត៖ vnanet.vn) |
លោកស្រី Vu Thi Bich Ngoc បានសម្តែងនូវអារម្មណ៍រំភើបនៅពេលបានទៅទស្សនកិច្ចនៅសាលាបឋមសិក្សាមិត្តភាពខ្មែរ-វៀតណាម និងបានកោតសរសើរចំពោះការខិតខំប្រឹងប្រែងរបស់នាយកសាលា និងគ្រូបង្រៀនស្ម័គ្រចិត្ត ដោយក្រៅពីការបង្រៀនសិស្ស ក៏ត្រូវចលនាឪពុកម្តាយរបស់សិស្សឲ្យបង្កើតលក្ខខណ្ឌអំណោយផលសម្រាប់សិស្សបានទៅសាលារៀនផងដែរ។ សិស្សទាំងនេះ នាថ្ងៃអនាគត នឹងរួមចំណែកក្នុងការរក្សា និងអភិវឌ្ឍន៍ទំនាក់ទំនងមិត្តភាពរវាងវៀតណាម និងកម្ពុជា ឱ្យកាន់តែរឹងមាំថែមទៀត។
ក្នុងឱកាសនេះ លោកស្រី Vu Thi Bich Ngoc បានជូនសាលា និងសិស្ស នូវសម្ភារៈសិក្សា និងកង្ហារអគ្គិសនី ដែលមានតម្លៃ ៤០ លានដុង ពីមូលនិធិ “មហោស្រពម្ហូបអាហារអន្តរជាតិ” របស់ក្រសួងការបរទេសវៀតណាម និងអំណោយផ្ទាល់ខ្លួន ដើម្បីសាងសង់សាលា៕
បកប្រែដោយ Duy Hoan