ជំនួបសំណេះសំណាលជាមួយអតីតអ្នកជំនាញវៀតណាមដែលបំពេញកាតព្វកិច្ចអន្តរជាតិនៅកម្ពុជាក្នុងដំណាក់កាល ១៩៧៩-១៩៨៩

ក្នុងរយៈពេល ១០ ឆ្នាំ (១៩៧៩-១៩៨៩) ទីក្រុងហូជីមិញបានបញ្ជូនអ្នកជំនាញ ១០០០ នាក់ និងក្រុមការងាររាប់រយក្រុម ទៅជួយកម្ពុជាក្នុងការស្តារសេដ្ឋកិច្ច និងសង្គមឡើងវិញ។ អតីតអ្នកជំនាញ កម្មាភិបាល បុគ្គលិក អ្នកបកប្រែ យុវជនស្ម័គ្រចិត្តនៃអង្គភាព A៥០ បានបង្ហាញពីឆន្ទៈ និងការប្តេជ្ញាចិត្តរបស់ទីក្រុងហូជីមិញ ក្នុងការបំពេញកាតព្វកិច្ចអន្តរជាតិដ៏ថ្លៃថ្នូ និងស្មោះត្រង់ចំពោះប្រទេសមិត្តកម្ពុជា។

លោក សុខ ដារ៉េត ថ្លែងក្នុងជំនួប (រូបថត៖ vnanet.vn)

ក្នុងនាមរាជរដ្ឋាភិបាល និងប្រជាជនកម្ពុជា លោក សុខ ដារ៉េត បានថ្លែងអំណរគុណ និងការដឹងគុណចំពោះគុណូបការៈរបស់បក្ស រដ្ឋ ប្រជាជនវៀតណាម កងកម្លាំងស្ម័គ្រចិត្ត និងអ្នកជំនាញវៀតណាម រួមទាំងអង្គភាព A៥០ ដែលបានជួយប្រជាជនកម្ពុជាឲ្យរួចផុតពីរបបប្រល័យពូជសាសន៍ ហើយកសាង និងអភិវឌ្ឍប្រទេសជាតិ។ ប្រជាជនកម្ពុជាចងចាំជានិច្ចនូវការលះបង់របស់កងទ័ពស្ម័គ្រចិត្ត និងអ្នកជំនាញវៀតណាម ដើម្បីបុព្វហេតុការពារសន្តិភាព បូរណភាពទឹកដី និងការអភិវឌ្ឍរបស់ប្រទេសកម្ពុជា ចូលរួមចំណែកពង្រឹងនិងពង្រីកចំណងសាមគ្គីភាព មិត្តភាពរវាងប្រទេសទាំងពីរឲ្យកាន់តែរឹងមាំពីមួយថ្ងៃទៅមួយថ្ងៃ៕

បកប្រែដោយ Thuy Anh