កម្មវិធីនេះមានក្រុមចំនួន ៤ ចូលរួម រួមមាន៖ និស្សិតកម្ពុជានៅទីក្រុងហូជីមិញ និស្សិតកម្ពុជានៅទីក្រុង Can Tho និស្សិតសាកលវិទ្យាល័យ Can Tho និងសម្ព័ន្ធយុវជនទីក្រុង Can Tho។

ថ្លែងមតិក្នុងព្រឹត្តិការណ៍នេះ លោក សុខ ដារ៉េត អគ្គកុងស៊ុលនៃព្រះរាជាណាចក្រកម្ពុជាប្រចាំទីក្រុងហូជីមិញ បានសង្កត់ធ្ងន់លើតួនាទីរបស់យុវជននៃប្រទេសទាំងពីរដែលជា “ស្ពាន” តភ្ជាប់ និងជាជំនាន់បន្តការពង្រឹងទំនាក់ទំនងការទូតរវាងប្រទេសទាំងពីរ។ តាមរយៈកម្មវិធីនេះ លោកអគ្គកុងស៊ុលបានរំពឹងថា យុវជននៃប្រទេសទាំងពីរមានឱកាសផ្សារភ្ជាប់ជាមួយគ្នាតាមរយៈសកម្មភាពផ្លាស់ប្តូរ-សិក្សា-ចែករំលែក ដើម្បីបង្កើតមូលដ្ឋានគ្រឹះដ៏សំខាន់សម្រាប់ទំនាក់ទំនងការទូតកាន់តែប្រសើរឡើងនាពេលអនាគត។

leftcenterrightdel
កណៈកម្មការរៀបចំជូនទង់អនុស្សាវរីយ៍ដល់ក្រុមចូលរួមកម្មវិធី (រូបថត៖ vnanet.vn)

លោក Nguyen Van Can ប្រធានសមាគមមិត្តភាពវៀតណាម - កម្ពុជា បានឲ្យដឹងថា នាពេលកន្លងមក សមាគមមិត្តភាពវៀតណាម - កម្ពុជាទីក្រុង Can Tho បានសម្របសម្រួលជាមួយសហភាពអង្គការមិត្តភាពវៀតណាមដើម្បីជួយដល់គ្រួសារនៃសមាជិកសមាគមដែលមានស្ថានភាពលំបាក ប្រជាជនកម្ពុជា និងផ្ដល់អាហារូបករណ៍ដល់សិស្ស និងនិស្សិតកម្ពុជាដែលកំពុងសិក្សានៅប្រទេសវៀតណាម។

ព្រឹត្តិការណ៍លើកនេះត្រូវបានរំពឹងថានឹងរួមចំណែកក្នុងការរក្សា និងអភិវឌ្ឍទំនាក់ទំនងអ្នកជិតខាង មិត្តភាពជាប្រពៃណី កិច្ចសហប្រតិបត្តិការលើគ្រប់ជ្រុងជ្រោយរវាងវៀតណាម និងកម្ពុជា ហើយឃោសនាផ្សព្វផ្សាយយ៉ាងស៊ីជម្រៅក្នុងប្រជាជន ជាពិសេសគឺយុវជនអំពីអត្ថន័យ និងសារៈសំខាន់នៃការរក្សា ការពង្រឹងនិងពង្រីកទំនាក់ទំនងវៀតណាម-កម្ពុជា ក្នុងស្ថានភាពថ្មី៕

បកប្រែដោយ Thuy Anh