ការខ្វល់ខ្វាយចំពោះភារកិច្ចស្វែងរកអដ្ឋិធាតុយុទ្ធជនពលី
កប.អនឡាញ - មកកាន់ “ទីស្នាក់ការ” នៃក្រុម K51 (បញ្ជាការដ្ឋានយោធាខេត្ត Dak Lak) ស្របពេលដែលកម្មាភិបាល និងសមាជិកនៃក្រុម K51 កំពុងរៀនភាសាខ្មែរ។ យើងខ្ញុំបានដឹងថា អង្គភាពកំពុងត្រៀមរៀបចំការងារគ្រប់យ៉ាងសម្រាប់ការទៅបំពេញភារកិច្ចនៅខេត្ដមណ្ឌលគីរី ក្រោយពីគ្រប់គ្រងបានជំងឺរាតត្បាត Covid-19 ហើយនិងព្រំដែនបើកដំណើរឡើងវិញ។ ដោយសារការវិវឌ្ឍយ៉ាងស្មុគស្មាញនៃជំងឺរាតត្បាត Covid-19 បានជាឆ្នាំនេះ ក្រុម K51 មិនអាចទៅកាន់ប្រទេសមិត្ដកម្ពុជាដើម្បីបំពេញភារកិច្ចបានឡើយ។
|
|
កម្មាភិបាលក្រុម K51 ស្វែងរកកន្លែងដែលសង្ស័យថាមានអដ្ឋិធាតុយុទ្ធជនពលីនៅខេត្ដមណ្ឌលគីរី |
លោកវរសេនីយឯកបំរុង Trinh Ngoc Kiem ប្រធានក្រុម K51 បានចែករំលែកជាមួយយើងខ្ញុំថា ឆ្នាំនេះអង្គភាពមិនអាចទៅបំពេញភារកិច្ចនៅកម្ពុជាបានឡើយ ដូច្នេះបងប្អូនក្នុងក្រុមមានការខ្វល់ខ្វាយជាខ្លាំង។ ត្បិតថាព័ត៌មានដែលទាក់ទងនឹងអដ្ឋិធាតុរបស់កងទ័ពស្ម័គ្រចិត្តនិងអ្នកជំនាញការវៀតណាមដែលពលីជីវិតកាលពីសម័យសង្គ្រាមនៅកម្ពុជាត្រូវបានប្រជាជន និងគណៈកម្មាធិការខេត្ដមណ្ឌលគីរី ក៏ដូចជាមន្ត្រីកម្ពុជា ផ្ញើមកអង្គភាពបានយូរហើយ។ ប្រសិនបើមិនកំណត់អត្ដសញ្ញាណ និងរុករកឲ្យបានឆាប់នោះ អាចនិងអាកាសធាតុ ឬ មនុស្សធ្វើឲ្យបាត់បង់សញ្ញាសំគាល់។
ផ្ដើមចេញពីការខ្វល់ខ្វាយខាងលើនេះ ក្រុម K51 បានត្រៀមរៀបចំគ្រប់យ៉ាងដើម្បីត្រៀមខ្លួនទៅកាន់ប្រទេសមិត្ដកម្ពុជាដើម្បីបំពេញភារកិច្ចដូចជា រៀនភាសាខ្មែរ ស្វែងយល់ទំនៀមទម្លាប់របស់ជនជាតិទាំង ១៥ នៅខេត្តមណ្ឌលគីរី; រៀនរបៀបប្រើផែនទី; ស្រាវជ្រាវស្វែងយល់វិធីសាស្ត្រថ្មីៗឲ្យមានប្រសិទ្ធភាព។
យើងខ្ញុំបានដឹងថា ចាប់ពីដើមឆ្នាំ ២០២១ រហូតមកទល់ពេលនេះ ក្រុម K51 បានសហការយ៉ាងជិតស្និទ្ធជាមួយអង្គភាពពាក់ព័ន្ធដើម្បីចុះសិក្សាស្រាវជ្រាវ និងស្វែងយល់ព័ត៌មានជិត ២០០ កន្លែង ហើយបានប្រមូលអដ្ឋិធាតុ ១០ នាក់នៅខេត្ត Dak Lak៕
បកប្រែដោយ Pham Diep