ចូលរួមចំណែកក្នុងការជម្រុញទំនាក់ទំនងរវាងប្រជាជននៃប្រទេសទាំងពីរវៀតណាម-កម្ពុជា
កប.អនឡាញ - នាព្រឹកថ្ងៃទី២១ ខែវិច្ឆិកា នៅទីក្រុង Bac Giang ខេត្ត Bac Giang នៃប្រទេសវៀតណាម មជ្ឈិមសមាគមមិត្តភាពវៀតណាម-កម្ពុជា សហព័ន្ធបណ្ដាអង្គការមិត្តភាពវៀតណាម បានសហការជាមួយសហព័ន្ធបណ្ដាអង្គការមិត្តភាពខេត្ត Bac Giang និងសមាគមមិត្តភាពវៀតណាម-កម្ពុជាខេត្ត Bac Giang បានរៀបចំកិច្ចប្រជុំស្ដីពីកិច្ចការកសាងសមាគម និងការរៀបចំសកម្មភាពនៃសមាគមនៅបណ្ដាខេត្ត ទីក្រុងដែលមិនមានព្រំដែនជាមួយប្រទេសកម្ពុជា។
ក្នុងកិច្ចប្រជុំ ប្រតិភូទាំងឡាយបានបញ្ជាក់ពីសារៈសំខាន់របស់សមាគមនៅតំបន់នានាក្នុងការជម្រុញសកម្មភាពការទូតរវាងប្រជាជន និងប្រជាជននៃប្រទេសទាំងពីរដែលជាស្ពានតភ្ជាប់សំខាន់ ចូលរួមចំណែកជម្រុញឲ្សស៊ីជម្រៅថែមទៀតនូវទំនាក់ទំនងមិត្តភាពដ៏ល្អប្រពៃរវាងប្រជាជនវៀតណាម និងប្រជាជនកម្ពុជានិយាយរួម ក៏ដូចជាប្រជាជននៅខេត្តក្រុងរបស់វៀតណាមជាមួយប្រជាជននៅតំបន់នានារបស់កម្ពុជានិយាយដោយឡែក។ នៅពេលកន្លងមក សមាគមនៅតំបន់ជាច្រើនរបស់វៀតណាមបានរៀបចំកម្មវិធីសប្បុរសធម៌ និងសកម្មភាពជួយតំបន់ក្រីក្រនៅកម្ពុជា ហើយចូលរូមយ៉ាងសកម្មក្នុងកម្មវិធី “បណ្តុះចំណងមិត្តភាព” ដែលទទួលជួយនិស្សិតកម្ពុជា៕
បកប្រែដោយ Thuy Anh