ការយកចិត្តទុកដាក់ និងចែករំលែកការលំបាកជាមួយគ្រួសារមានដើមកំណើតវៀតណាមនៅរាជធានីភ្នំពេញ
កប.អនឡាញ - ក្នុងឱកាសបុណ្យចូលឆ្នាំថ្មីប្រពៃណីវៀតណាមឆ្នាំ ២០២០ នៅថ្ងៃទី៨ ខែមករា ធនាគារ Sacombank Cambodia បានរៀបចំកម្មវិធី “ភាពកក់ក្តៅក្នុងឆ្នាំថ្មី” ដើម្បីជូនអំណោយដល់គ្រួសារមានដើមកំណើតវៀតណាមដែលមានជីរភាពរស់នៅជួបការលំបាកចំនួន១០០គ្រួសារដែលកំពុងរស់នៅរាជធានីភ្នំពេញ។
អញ្ជើញចូលរួមពិធីជូនអំណោយមានតំណាងស្ថានទូតវៀតណាមប្រចាំកម្ពុជា និងថ្នាក់ដឹកនាំសមាគមខ្មែរ-វៀតណាមនៅកម្ពុជា រួមទាំងថ្នាក់ដឹកនាំធនាគារ Sacombank ផងដែរ។
|
|
លោក Le Van Ron អគ្គនាយករងធនាគារ Sacombank ប្រគល់អំណោយជូនប្រជាជនមានដើមកំណើតវៀតណាមនៅទីស្នាក់ការសមាគមខ្មែរ - វៀតណាម (រូបថត៖ Vietnam+) |
ក្នុងឱកាសនេះ អំណោយចំនួន ១០០ កញ្ចប់ ត្រូវបានប្រគល់ជូនគ្រួសារមានដើមកំណើតវៀតណាមដែលមានជីវភាពរស់នៅជួបការលំបាកដែលកំពុងរស់នៅតាមខ័ណ្ឌ សង្កាត់នានានៃរាជធានីភ្នំពេញ។ ក្នុងអំណោយនីមួយៗ រួមមានសាច់ប្រាក់ អង្ករ និងគ្រឿងឧបភោគបរិភោគមួយចំនួនទៀត។
តាងនាមសហគមន៍ជនខ្មែរមានដើមកំណើតវៀតណាមនៅកម្ពុជា លោក Chau Van Chi ប្រធានសមាគមខ្មែរ - វៀតណាមនៅកម្ពុជាបានថ្លែងអំណរគុណចំពោះការយកចិត្ដទុកដាក់របស់ធនាគារ Sacombank សហគ្រាស និងអង្គការមហាជនវៀតណាមដែលបានយកចិត្តទុកដាក់ និងជួយឧបត្ថម្ភដល់ជនខ្មែរមានដើមកំណើតវៀតណាមនៅប្រទេសកម្ពុជា។
លោក Le Van Ron អគ្គនាយករងធនាគារ Sacombank បានជូនពរបុណ្យចូលឆ្នាំថ្មីប្រពៃណី ២០២០ ដល់ជនខ្មែរដើមកំណើតវៀតណាមដែលកំពុងរស់នៅក្នុងប្រទេសកម្ពុជា និងចែករំលែកការលំបាករបស់បងប្អូននៅពេលរស់នៅឆ្ងាយពីស្រុកកំណើត៕
បកប្រែដោយ Pham Diep