វៀតណាម - កម្ពុជាប្រកួតបាល់ទាត់មិត្តភាព
កប.អនឡាញ - ក្នុងឱកាសរំលឹកខួបលើកទី៧៤ ទិវាបដិវត្តន៍ខែសីហា និងបុណ្យឯករាជ្យជាតិវៀតណាម (ថ្ងៃទី២ ខែកញ្ញា) នាថ្ងៃទី១០ ខែសីហា នៅរាជធានីភ្នំពេញ បានប្រព្រឹត្តទៅការប្រកួតបាល់ទាត់មិត្តភាពរវាងស្ថានទូតវៀតណាមប្រចាំនៅកម្ពុជា និងសមាគមអតីតនិស្សិតកម្ពុជានៅវៀតណាម។
ក្នុងឱកាសនេះ លោក Vu Quang Minh ឯកអគ្គរដ្ឋទូតវៀតណាមប្រចាំនៅកម្ពុជារំពឹងថា សមាគមអតីតនិស្សិតកម្ពុជានៅវៀតណាមកាន់តែអភិវឌ្ឍយ៉ាងខ្លាំងក្លា និងក្លាយជាស្ពានតភ្ជាប់ដើម្បីជម្រុញទំនាក់ទំនងសាមគ្គីភាព មិត្តភាពល្អប្រសើររវាងប្រទេសទាំងពីរ។
    |
 |
|
លោក Vu Quang Minh ថតរូបជាមួយក្រុមបាល់ទាត់ទាំងពីរ (រូបថត៖ nhandan.com.vn) |
ចំពោះកិច្ចសហប្រតិបត្តិការលើវិស័យអប់រំនិងបណ្ដុះបណ្ដាល លោក Vu Quang Minh ថ្លែងថា វៀតណាមមានបំណងទទួលនិស្សិតកម្ពុជាថែមទៀតមកសិក្សានៅវៀតណាម និងបញ្ជូននិស្សិតវៀតណាមទៅសិក្សានៅកម្ពុជាវិញ។ លោកក៏រំពឹងថា នឹងបង្កើតសមាគមអតីតនិស្សិតវៀតណាមដែលធ្លាប់រៀននៅសាកលវិទ្យាល័យរបស់កម្ពុជា។
បន្ទាប់ពីពិធីបើក ក្រុមបាល់ទាត់ទាំងពីរបានចូលរួមការប្រកួតដោយមានការគាំទ្រពីកម្មាភិបាល បុគ្គលិកនៃស្ថានទូតវៀតណាមប្រចាំនៅកម្ពុជា សហគ្រាសវៀតណាមនានា អតីតនិស្សិត និងកម្មាភិបាលការទូតរបស់កម្ពុជា៕
បកប្រែដោយ Thuy Anh