សហគមន៍អាណិកជនវៀតណាមនៅភ្នំពេញស្វាគមន៍បុណ្យចូលឆ្នាំថ្មីប្រពៃណីជាតិ ២០២១
កប.អនឡាញ - នារសៀលថ្ងៃទី ៦ ខែកុម្ភៈ នៅរាជធានីភ្នំពេញ សមាគមខ្មែរ - វៀតណាមនៅកម្ពុជា សហការជាមួយស្ថានទូតវៀតណាម តំណាងសហគមន៍អាណិកជនវៀតណាម និងអង្គភាពអាជីវករមួយចំនួននៅក្នុងតំបន់ បានរៀបចំពិធីបុណ្យចូលឆ្នាំថ្មី (បុណ្យតេត) ដើម្បីអំណរឆ្នាំឆ្លូវត្រីស័ក។
ក្នុងឱកាសនេះ ប្រធានសមាគមខ្មែរ - វៀតណាម លោក Sim Chy បានជូនពរឆ្នាំថ្មី ២០២១ ដល់សហគមន៍អាណិកជនវៀតណាមទាំងមូលនៅកម្ពុជា។
    |
 |
|
ប្រធានសមាគមខ្មែរ - វៀតណាម លោក Sim Chy ថ្លែងក្នុងពិធី (រូបថត៖ nhandan.com.vn) |
យោងតាមលោក Sim Chy បានឲ្យដឹងថា ឆ្នាំ ២០២០ ពិភពលោកបានជួបការលំបាកនិងបញ្ហាប្រឈមជាច្រើន ជាពិសេស រងផលប៉ះពាល់យ៉ាងធ្ងន់ធ្ងរដោយសារជំងឺរាតត្បាត Covid-19។ ក្នុងបរិបទនោះ សមាគមខ្មែរ - វៀតណាមតែងតែខិតខំប្រឹងប្រែងរួមជាមួយអាណិកជនវៀតណាមក្នុងការបង្ការនិងប្រយុទ្ធប្រឆាំងនឹងជំងឺរាតត្បាត។ ហេតុដូច្នេះ មកទល់បច្ចុប្បន្ននេះ មិនមានករណីណាមួយឆ្លង Covid-19 នៅក្នុងសហគមន៍អាណិកជនវៀតណាមនៅកម្ពុជា។
លើសពីនេះ សមាគមក៏បានកៀងគរថវិកាជាច្រើនរៀបចំពិធីផ្តល់អំណោយជូនប្រជាជនដែលជួបការលំបាក ដោយសារជំងឺរាតត្បាត និងគ្រោះធម្មជាតិ។ សកម្មភាពទាំងនេះបានរួមចំណែកលើកស្ទួយប្រពៃណីនៃសេចក្តីស្រឡាញ់ និងការជួយគ្នាទៅវិញទៅមកនៅក្នុងសហគមន៍អាណិកជនវៀតណាម។
ថ្លែងនៅក្នុងពិធីនេះ អគ្គទីប្រឹក្សាស្ថានទូតវៀតណាមប្រចាំនៅកម្ពុជា លោក Lai Xuan Chien បានថ្លែងអំណរគុណចំពោះអង្គភាពអាជីវកម្មវៀតណាមដែលវិនិយោគនៅក្នុងតំបន់ ហើយនិងតែងតែចែករំលែកនិងចូលរួមវិភាគទានទាន់ពេលវេលាក្នុងការជួយឧបត្ថម្ភអាណិកជនវៀតណាមនៅកម្ពុជាក្នុងរយៈពេលកន្លងមក៕
បកប្រែដោយ Huyen Trang