បញ្ជាការដ្ឋានកងទ័ពការពារព្រំដែនវៀតណាម និងបញ្ជាការដ្ឋានកងរាជអាវុធហត្ថលើផ្ទៃប្រទេសកម្ពុជាពង្រឹងកិច្ចសហប្រតិបត្តិការការពារជាតិ
កប.អនឡាញ - នាថ្ងៃទី ២៨ ខែតុលា នៅច្រកទ្វារអន្តរជាតិម៉ុកបាយ ខេត្តតៃនិញ វៀតណាម បានប្រព្រឹត្ដទៅកិច្ចពិភាក្សារវាងបញ្ជាការដ្ឋានកងទ័ពការពារព្រំដែនវៀតណាម និងបញ្ជាការដ្ឋានកងរាជអាវុធហត្ថលើផ្ទៃប្រទេសកម្ពុជា។ លោកឧត្តមសេនីយ៍ត្រី Le Duc Thai មេបញ្ជាការនៃបញ្ជាការដ្ឋានកងទ័ពការពារព្រំដែនវៀតណាម និងលោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេសកម្ពុជាបានធ្វើជាសហអធិបតីក្នុងកិច្ចប្រជុំនេះ។