ពិធីបើកបវេសនកាលឆ្នាំសិក្សាថ្មីសម្រាប់និស្សិតបរទេសកម្ពុជា ឡាវ និងប្រកាស​សេចក្ដីសម្រេចតែងតាំងនាយិកានៃសាលាមិត្តភាព 80

មន្ត្រីស្ថានទូតកម្ពុជា និងនិស្សិតកម្ពុជា

អញ្ជើញថ្លែងនៅទីនេះ លោកស្រី Chu Kim Phuong នាយិកាសាលាបានសម្ដែងការប្ដេជ្ញាចិត្តរបស់សមូហភាពគ្រូបង្រៀន និងនិស្សិតនៃសាលា ដើម្បីសម្រេចភារកិច្ចនៃឆ្នាំសិក្សា ២០១៩-២០២០។ លោកស្រីបានថ្លែងថា៖ “ឆ្នាំសិក្សា ២០១៩ - ២០២០ ជាឆ្នាំដំបូងរបស់នាងខ្ញុំក្នុងឋានៈជានាយិកា ខ្ញុំសូមថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំក្រសួងអប់រំ និងបណ្ដុះបណ្ដាល ដែលបានផ្ដល់ទំនុកទុកចិត្ត និងសម្រេចចិត្តតែងតាំងរូប​ខ្ញុំធ្វើជានាយិកាសាលាមិត្តភាព 80 សម្រាប់អាណត្តិ ២០១៩-២០២៤។ ខ្ញុំសូមសន្យាថា នឹងខិតខំប្រឹងប្រែង រួមជាមួយជួរគ្រូបង្រៀន សាមគ្គីគ្នា ស្រុះចិត្តគំនិត ច្នៃប្រឌិត និងប្ដេជ្ញាចិត្ត សម្រេចរាល់ភារកិច្ច ដែលបានប្រគល់ជូន។ ទន្ទឹមនឹងនេះ កសាងសាលាមិត្តភាព ៨០ ឲ្យក្លាយទៅជាសាលាដែលពោរពេញទៅដោយចំណងមិត្តភាពរវាង វៀតណាម កម្ពុជា និងឡាវ”។

លោក ចាយ ណាវុធ ឯកអគ្គរាជទូតតែងតាំង

ជាការឆ្លើយតប លោក ចាយ ណាវុធ ឯកអគ្គរាជទូតកម្ពុជា ប្រចាំសាធារណរដ្ឋសង្គមនិយមវៀតណាមបានថ្លែងថា៖ សូមបញ្ជាក់ដែរថាសាលាមិត្តភាព ៨០ ត្រូវបានបង្កើតឡើងកាលពី ៣៩ ឆ្នាំមុន ដោយមានបេសកកម្មនយោបាយដ៏សំខាន់គឺបង្រៀនភាសាវៀតណាម ដល់និស្សិតឡាវនិងកម្ពុជា។ ក្នុងឆ្នាំសិក្សា ២០១៩-២០២០ សាលាបានទទួលនិស្សិតចំនួន ៣១៨ នាក់ ដែលក្នុងនោះមាននិស្សិតបរទេសសិក្សារៀនសូត្រភាសាវៀតណាមចំនួន ២៩៨ នាក់ ពោលគឺ និស្សិតកម្ពុជាចំនួន ១០៦ នាក់ និងនិស្សិតឡាវចំនួន ១៩២ នាក់ ព្រមទាំងគ្រូបង្រៀនឡាវចំនួន ២០ នាក់ផងដែរ៕

តាម vovworld