កិច្ចប្រជុំស្តីពីការដំឡើងច្រកទ្វា Tan Nam - ម៉ឺនជ័យ
កប.អនឡាញ - នៅរសៀលថ្ងៃទី ៤ ខែមិថុនា ថ្នាក់ដឹកនាំខេត្ត Tay Ninh (ប្រទេសវៀតណាម) និងថ្នាក់ដឹកនាំខេត្តព្រៃវែង រួមជាមួយតំណាងកងកម្លាំងប្រដាប់អាវុធ និងស្ថាប័នពាក់ព័ន្ធមួយចំនួននៃខេត្តទាំងពីរ បានប្រជុំពិភាក្សាអំពីការដំឡើងច្រកទ្វារព្រំដែន Tan Nam - ម៉ឺនជ័យ ទៅជាច្រកទ្វារព្រំដែនអន្តរជាតិ។ លោក Pham Van Tan ប្រធានគណៈកម្មាធិការប្រជាជនខេត្ត Tay Ninh និង លោក ជា សុមេធី អភិបាលខេត្តព្រៃវែងបានអញ្ជើញធ្វើជាសហប្រធានក្នុងកិច្ចពិភាក្សានេះ។
|
|
ថ្នាក់ដឹកនាំខេត្ត Tay Ninh និងព្រៃវែងប្រជុំពិភាក្សាលើការដំឡើងច្រកទ្វាព្រំដែន Tan Nam - ម៉ឺនជ័យ (រូបថត៖ baobienphong.com.vn) |
ក្នុងកិច្ចពិភាក្សា ភាគីទាំងពីរបានជូនដំណឹងគ្នាអំពីល្បឿននៃការដំឡើងច្រកទ្វារព្រំដែន Tan Nam - ម៉ឺនជ័យ ទៅជាច្រកទ្វារព្រំដែនអន្តរជាតិ ក្នុងពេលកន្លងមក ព្រមទាំងដាក់ចេញវិធានការនានា ហើយឯកភាពលើការដាក់ឈ្មោះស្ពានតភ្ជាប់ខេត្តទាំងពីរគឺស្ពានមិត្តភាព Tan Nam - ម៉ឺនជ័យ។
ទាក់ទិនដល់ពេលវេលារៀបចំការប្រកាសច្រកព្រំដែនអន្តរជាតិ ភាគីទាំងពីរបានឯកភាពពន្យាពេលមួយរយៈសិនដើម្បីឱ្យខេត្ត Tay Ninh បន្តបំពេញនីតិវិធី និងឯកសារដើម្បីរាយការណ៍ជូនរដ្ឋាភិបាលវៀតណាម។ បន្ទាប់ពីនាយករដ្ឋមន្ត្រីវៀតណាមចេញសេចក្តីសម្រេចចិត្ត និងផ្តល់សច្ចាប័នហើយ ភាគីទាំងពីរនឹងប្រកាសរួមគ្នា។
ទាក់ទងនឹងខ្លឹមសារនៃការចង់សម្ព័ន្ធមេត្រីភាពសម្រាប់ទីប្រជុំជននៅទាំងសងខាងព្រំដែន ថ្នាក់ដឹកនាំនៃខេត្តទាំងពីរបានឯកភាពថា នឹងដឹកនាំស្រុក និងឃុំជាប់ព្រំដែននៃភាគីនីមួយៗ សហការគ្នារៀបចំផែនការ និងដាក់ចេញនូវខ្លឹមសារចុះហត្ថលេខាឲ្យបានសមស្របទៅនឹងស្ថានភាពជាក់ស្តែងនៅមូលដ្ឋាន ឆ្ពោះទៅរកគោលដៅរួមគឺដើម្បីព្រំដែនមួយមិត្តភាព សហប្រតិបត្តិការ និងអភិវឌ្ឍន៍រួមគ្នា។
បកប្រែដោយ Duy Hoan