គណៈប្រតិភូកងទ័ព និងនគរបាលឡាវ អុជធូបគោរពវិញ្ញាណក្ខន្ធលោកប្រធានហូជីមិញនៅមណ្ឌលកេរ្តិ៍ដំណែល Kim Lien
កប.អនឡាញ - នាថ្ងៃទី ២៣ ខែកក្កដា គណៈប្រតិភូបញ្ជាការដ្ឋានយោធាខេត្ត និងគណៈនាយកនគរបាលខេត្តចំនួន ៣ គឺ ខេត្ត Hua Phan, ខេត្ត Xieng Khouang និងខេត្ត Bolykhamxay នៃប្រទេសឡាវ បានមកអុជធូប និងដាក់ផ្កាគោរពវិញ្ញាណក្ខន្ធលោកប្រធានហូជីមិញនៅមណ្ឌលកេរ្តិ៍ដំណែល Kim Lien នៅឃុំ Kim Lien ស្រុក Nam Dan ខេត្ត Nghe An។
គណៈប្រតិភូបញ្ជាការដ្ឋានយោធាខេត្ត និងគណៈនាយកនគរបាលខេត្តចំនួន ៣ នៃប្រទេសឡាវ និងកងទ័ពការពារព្រំដែនខេត្ត Nghe An បានសម្តែងនូវការដឹងគុណជានិច្ច និងការគោរពយ៉ាងជ្រាលជ្រៅចំពោះលោកប្រធានហូជីមិញ ដែលបានពលីអស់មួយជីវិតក្នុងបុព្វហេតុរំដោះប្រទេសវៀតណាម និងប្រជាជនឡាវ។
    |
 |
|
គណៈប្រតិភូខេត្តទាំង៣ នៃប្រទេសឡាវ និងកងទ័ពការពារព្រំដែនខេត្ត Nghe An អុជធូបគោរពវិញ្ញាណក្ខន្ធលោកប្រធានហូជីមិញនៅមណ្ឌលកេរ្តិ៍ដំណែល Kim Lien (រូបថត៖ vnanet.vn) |
លោកប្រធានហូជីមិញ រួមជាមួយថ្នាក់ដឹកនាំបក្ស និងរដ្ឋឡាវ បានតស៊ូដោយឥតឈប់ឈរ ដើម្បីឯករាជ្យភាព និងសេរីភាពរបស់ប្រជាជាតិទាំងពីរ ដើម្បីសន្តិភាពរបស់ប្រជាជននៅលើពិភពលោក។ លោកប្រធានហូជីមិញមានគុណូបការៈដ៏ខ្ពង់ខ្ពស់ក្នុងការបង្កើតចំណងមិត្តភាពពិសេសរវាងបក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរវៀតណាម-ឡាវ។
ក្នុងឱកាសនេះ គណៈប្រតិភូខេត្តទាំង៣ នៃប្រទេសឡាវក៏បានទៅទស្សនាស្រុកកំណើតមាតាបិតារបស់លោកអ៊ំហូ និងអុជធូបនៅវិហារ Chung Son ជាកន្លែងសក្ការៈបូជាជីដូនជីតាលោកអ៊ុំហូផងដែរ៕
បកប្រែដោយ Thanh Cong