អនុព័ន្ធយោធានៃបណ្ដាប្រទេសប្រចាំប្រទេសវៀតណាមអញ្ជើញទៅបំពេញទស្សនកិច្ចនៅកងពលតូចលេខ ១៤៧ តំបន់ទី១ កងទ័ពជើងទឹក
កប.អនឡាញ - នាព្រឹកថ្ងៃទី៩ ខែសីហា គណៈប្រតិភូអនុព័ន្ធយោធានៃបណ្តាប្រទេសប្រចាំប្រទេសវៀតណាម ដឹកនាំដោយលោកវរសេនីយ៍ឯក Prapard Iamolee អនុព័ន្ធយោធាកងទ័ពជើងអាកាសថៃ បានអញ្ជើញទៅបំពេញទស្សនកិច្ចនៅកងពលតូចលេខ១៤៧ តំបន់ទី១ នៃកងទ័ពជើងទឹក។
ក្នុងជំនួបនេះ លោកវរសេនីយ៍ឯក Duong Huy Thong មេបញ្ជាការកងពលតូចលេខ១៤៧ បានលើកឡើងអំពីប្រវត្តិ ប្រពៃណី មុខងារ ភារកិច្ច និងស្នាដៃឆ្នើមរបស់អង្គភាពក្នុងរយៈពេលកន្លងមក។ កងពលតូចលេខ ១៤៧ ជាកងកំលាំងដ៏សំខាន់មួយរបស់កងទ័ពជើងទឹកប្រជាជនវៀតណាម ទទួលភារកិច្ចបង្វឹកបង្ហាត់ និងប្រយុទ្ធដើម្បីការពារអធិបតេយ្យភាពសមុទ្រ និងកោះនៅតំបន់ភាគឦសាននៃប្រទេស ចូលរួមក្នុងការជួយប្រជាជនការពារ ប្រយុទ្ធប្រឆាំង និងជំនះផលវិបាកនៃគ្រោះមហន្តរាយធម្មជាតិ ការស្វែងរក និងជួយសង្គ្រោះ។
តាងនាមគណៈប្រតិភូ លោកវរសេនីយ៍ឯក Prapard Iamolee បានអះអាងថា ដំណើរទស្សនកិច្ចនេះមានផលប្រយោជន៍សម្រាប់សមាជិកនីមួយៗ រួមចំណែកជាក់ស្តែងក្នុងការពង្រីកទំនាក់ទំនងមិត្តភាព និងការយល់ដឹងគ្នាទៅវិញទៅមករវាងកងទ័ពប្រជាជនវៀតណាម និងកងទ័ពនៃបណ្តាប្រទេស។ បន្ទាប់ពីជួបពិភាក្សាការងារ គណៈប្រតិភូបានអញ្ជើញទស្សនាអង្គភាព ទស្សនាការសម្តែងឆ្លងឧបសគ្គ និងសម្តែងក្បាច់គុន៕
បកប្រែដោយ Duy Hoan