ថ្នាក់ដឹកនាំបណ្ណាល័យកងទ័ពវៀតណាមជួបពិភាក្សាការងារជាមួយថ្នាក់ដឹកនាំបណ្ណាល័យកងទ័ពឡាវនិងនាយកដ្ឋានវិទ្យាសាស្ត្រនិងប្រវត្តិសាស្ត្រយោធាឡាវ
កប.អនឡាញ - គណៈប្រតិភូអ្នកជំនាញនៃបណ្ណាល័យកងទ័ពវៀតណាមដឹកនាំដោយលោកស្រីវរសេនីយ៍ឯកបំរុង Nguyen Thuy Cuc ប្រធានការិយាល័យមិត្ដអ្នកអាននៃបណ្ណាល័យកងទ័ពបានជួបពិភាក្សាការងារជាមួយបណ្ណាល័យកងទ័ពប្រជាជនឡាវ។
នៅក្នុងជំនួបនេះ លោក Viengthong Viphavong នាយកបណ្ណាល័យកងទ័ពប្រជាជនឡាវបានជម្រាបជូនគណៈប្រតិភូអំពីការប្រតិបត្តិការនៃបណ្ណាល័យកងទ័ពប្រជាជនឡាវ។
|
|
ទិដ្ឋភាពនៃជំនួបពិភាក្សាការងារ |
លោកនាយកបណ្ណាល័យកងទ័ពប្រជាជនឡាវបានស្នើឱ្យគណៈប្រតិភូអ្នកជំនាញនៃបណ្ណាល័យកងទ័ពប្រជាជនវៀតណាមចែករំលែកបទពិសោធន៍ក្នុងការរៀបចំបន្ទប់អានសៀវភៅ ឃ្លាំងសៀវភៅនៃបណ្ណាល័យឲ្យសមស្រប; ដំឡើងកម្មវិធីគ្រប់គ្រងបណ្ណាល័យអេឡិចត្រូនិក បង្កើតគេហទំព័រនិងណែនាំការប្រើប្រាស់កម្មវិធីសហ្វវែរ គេហទំព័រដល់កម្មាភិបាល និងបុគ្គលិកនៃបណ្ណាល័យកងទ័ពប្រជាជនឡាវ។
*ក្នុងឱកាសនេះដែរ គណៈប្រតិភូអ្នកជំនាញនៃបណ្ណាល័យកងទ័ពប្រជាជនវៀតណាមបានមកបំពេញទស្សនកិច្ចការងារនៅនាយកដ្ឋានវិទ្យាសាស្ត្រ-ប្រវត្តិសាស្ត្រយោធាឡាវ។
នៅក្នុងជំនួបនេះ នាយកដ្ឋានវិទ្យាសាស្ត្រ-ប្រវត្តិសាស្ត្រយោធាឡាវបានស្នើគណៈប្រតិភូអ្នកជំនាញនៃបណ្ណាល័យកងទ័ពវៀតណាមជួយដំឡើងកម្មវិធីសហ្វវែរបណ្ណាល័យអេឡិចត្រូនិក និងគេហទំព័រដល់នាយកដ្ឋានវិទ្យាសាស្ត្រនិងប្រវត្តិសាស្ត្រយោធាឡាវក្នុងអំឡុងពេលបំពេញទស្សនកិច្ចការងារនៅប្រទេសឡាវ។
ក្នុងឱកាសនេះ តាងនាមថ្នាក់ដឹកនាំបណ្ណាល័យកងទ័ពប្រជាជនវៀតណាម លោកស្រីវរសេនីយ៍ឯកបំរុង Nguyen Thuy Cuc បានប្រគល់ម៉ាស៊ីនកុំព្យូទ័រលើតុមួយចំនួនដែលមានកម្មវិធីសហ្វវែរបណ្ណាល័យអេឡិចត្រូនិក គេហទំព័រ និងម៉ាស៊ីនបោះពុម្ពដល់បណ្ណាល័យកងទ័ពប្រជាជនឡាវ និងនាយកដ្ឋានវិទ្យាសាស្ត្រនិងប្រវត្តិសាស្ត្រយោធាឡាវផងដែរ៕
បកប្រែដោយ Pham Diep