កងទ័ពជើងទឹកវៀតណាម-ថៃ ធ្វើការយាមល្បាតរួមគ្នាលើកទី៤៤
កប.អនឡាញ - នៅតំបន់ព្រំប្រទល់ជាប់សមុទ្រវៀតណាម-ថៃ កងទ័ពជើងទឹកប្រជាជនវៀតណាម និងកងទ័ពជើងទឹកភូមិន្ទថៃ ទើបតែរៀបចំដោយជោគជ័យនូវការយាមល្បាតរួមគ្នាប្រចាំឆ្នាំលើកទី៤៤។
កងកម្លាំងចូលរួមការយាមល្បាតរួម រួមមាន ក្រុមនាវាលេខ ២៦៤ និង២៦៥ នៃតំបន់លេខ ៥ កងទ័ពជើងទឹកវៀតណាម និងក្រុមនាវាលេខ ៤៣៣ និងលេខ ៥៤២ របស់កងទ័ពជើងទឹកភូមិន្ទថៃ។
|
|
នាវាកងទ័ពជើងទឹកវៀតណាម-ថៃ បង្វឹកបង្ហាត់ការស្វែងរកនិងសង្គ្រោះ |
ភាគីទាំងពីរបានសហការបង្វឹកបង្ហាត់ខ្លឹមសារ៖ ផ្ដល់ព័ត៌មាន កំណត់ទិសដៅ ទប់ស្កាត់សកម្មភាពនេសាទខុសច្បាប់ ស្វែងរក និងសង្គ្រោះ អនុវត្តក្រុមប្រតិបត្តិស្តីពីការជៀសវាងការប៉ះទង្គិចលើសមុទ្រ (CUES)។ល។
ការយាមល្បាតត្រូវបានរៀបចំឡើងក្នុងបំណងរក្សាសន្តិសុខ និងសណ្ដាប់ធ្នាប់ បង្កើតលក្ខណៈសម្បត្តិជូនប្រជាជននៃប្រទេសទាំងពីរក្នុងការអភិវឌ្ឍសេដ្ឋកិច្ចសមុទ្រ ព្រមទាំងជម្រុញទំនាក់ទំនងកិច្ចសហប្រតិបត្តិការ បង្កើនការយល់ដឹង និងការជឿទុកចិត្តគ្នាទៅវិញទៅមករវាងកងទ័ពជើងទឹកនៃប្រទេសទាំងពីរ៕
បកប្រែដោយ Thuy Anh