ពិធីប្រគល់គ្រឿងឥស្សរិយយសដើម្បីបុព្វហេតុរក្សាសន្តិភាពរបស់អង្គការសហប្រជាជាតិជូន​កងពេទ្យកម្រិត២ លេខ២ របស់វៀតណាម

ព្រឹត្តិការណ៍នេះត្រូវបានរៀបចំឡើងដោយកម្លាំងបំពេញបេសកកម្មអង្គការសហប្រជាជាតិប្រចាំនៅសាធារណរដ្ឋស៊ូដង់ខាងត្បូង (UNMISS) ដែលជាការទទួលស្គាល់របស់អង្គការសហប្រជាជាតិចំពោះកិច្ចខិតខំប្រឹងប្រែងរបស់សមាជិកទាំងឡាយនៃកងពេទ្យកម្រិត២ លេខ២ របស់វៀតណាម ក្នុងការបំពេញបេសកកម្មនៅស៊ូដង់ខាងត្បូង ព្រមទាំងបញ្ជាក់ពីការរួមវិភាគទានរបស់វៀតណាមក្នុងនាមជាសមាជិកសកម្ម និងមានទំនួលខុសត្រូវរបស់អង្គការសហប្រជាជាតិចំពោះសហគមន៍អន្តរជាតិ រួមចំណែកដល់សន្តិភាព និងស្ថិរភាពនៅលើពិភពលោក។

លោកស្រី Hiroko Hirahara អបអរសាទរដល់យុទ្ធជននារីនៃកងពេទ្យកម្រិត២ លេខ២ របស់វៀតណាម (រូបថត៖ កងពេទ្យកម្រិត២ លេខ២)

ជំនួសមុខថ្នាក់ដឹកនាំ UNMISS លោកស្រី Hiroko Hirahara ប្រធានមូលដ្ឋាន Bentiu នៃ UNMISS និងលោកឧត្តមសេនីយ៍ត្រី Shamim Kamal មេបញ្ជាការយោធាតំបន់ Unity បានប្រគល់គ្រឿងឥស្សរិយយសដើម្បីបុព្វហេតុរក្សាសន្តិភាពរបស់អង្គការសហប្រជាជាតិជូណ​សមាជិកទាំង៦៣ រូបនៃកងពេទ្យកម្រិត២ លេខ២ របស់វៀតណាម៕

បកប្រែដោយ Huyen Trang