វៀតណាម និងឡាវពង្រឹងកិច្ចសហប្រតិបត្តិការការពារជាតិទ្វេភាគី

តាងនាមថ្នាក់ដឹកនាំក្រសួងការពារប្រទេសវៀតណាម លោកឧត្តមសេនីយ៍ទោ Hoang Xuan Chien បានវាយតម្លៃខ្ពស់ចំពោះការបំពេញបេសកម្មនាពេលកន្លងមករបស់លោកវរសេនីយ៍ឯក Bangsy Xaysomkhoth ក្នុងឋានៈជាអនុព័ន្ធយោធាឡាវប្រចាំវៀតណាម ហើយ​បាន​រួមចំណែកក្នុងការពង្រឹង និងអភិវឌ្ឍទំនាក់ទំនងមិត្តភាព និងកិច្ចសហប្រតិបត្តិការរវាងប្រទេសទាំងពីរ និងកងទ័ពទាំងពីរ។

លោកឧត្តមសេនីយ៍ទោ Hoang Xuan Chien ជួបសំណេះសំណាលជាមួយលោកវរសេនីយ៍ឯក Bangsy Xaysomkhoth

លោកឧត្តមសេនីយ៍ទោ Hoang Xuan Chien បានអបអរសាទរលោកវរសេនីយ៍ឯក Vongxay Inthakham ដែលត្រូវបានតែងតាំងជាអនុព័ន្ធយោធាឡាវប្រចាំវៀតណាម។ លោកឧត្តមសេនីយ៍ទោ Hoang Xuan Chien ជឿជាក់ថា លោកវរសេនីយ៍ឯក Vongxay Inthakham នឹងបន្តរក្សា និងលើកកម្ពស់លទ្ធផលពីអ្នកកាន់តំណែងមុន  ហើយលោកនឹងជាស្ពានតភ្ជាប់កិច្ចសហប្រតិបត្តិការការពារជាតិទ្វេភាគី។

លោកឧត្តមសេនីយ៍ទោ Hoang Xuan Chien បានសង្កត់ធ្ងន់ថា ផ្អែកលើមូលដ្ឋាននៃពិធីសារ និងផែនការសហប្រតិបត្តិការការពារជាតិប្រចាំឆ្នាំ  កិច្ចសហប្រតិបត្តិការការពារជាតិទ្វេភាគីកាន់តែស៊ីជម្រៅ ជាក់ស្តែង និងមានប្រសិទ្ធភាពលើគ្រប់វិស័យ។ ដោយសន្និដានថា Covid-19 ទំនងជាអូសបន្លាយពេលយូរ និងប៉ះពាល់ដល់ការអនុវត្តខ្លឹមសារសហប្រតិបត្តិការរវាងក្រសួងការពារជាតិនៃប្រទេសទាំងពីរនោះ លោកឧត្តមសេនីយ៍ឯក Hoang Xuan Chien  បានមានប្រសាសន៍ថា ភាគីទាំងពីរចាំបាច់ត្រូវតែមានភាពសកម្មក្នុងការឆ្លើយតបទៅនឹងស្ថានភាពថ្មី ព្រមទាំងត្រូវសហប្រតិបត្តិការយ៉ាងសកម្ម និងមានភាពច្នៃប្រឌិតដើម្បីអនុវត្តខ្លឹមសារសហប្រតិបត្តិការ​ទាំង​នេះ​ឲ្យមានប្រសិទ្ធភាព ក្នុងស្មារតីថាមិនឱ្យជំងឺរាតត្បាតខកខានដល់កិច្ចសហប្រតិបត្តិការទ្វេភាគី​ឡើយ។

លោកឧត្តមសេនីយ៍ទោ Hoang Xuan Chien ថតរូបអនុស្សាវរីយ៍ជាមួយលោកវរសេនីយ៍ឯក Bangsy Xaysomkhoth និងលោកវរសេនីយ៍ឯក Vongxay Inthakham

លោកវរសេនីយ៍ឯក Bangsy Xaysomkhoth បានថ្លែងអំណរគុណចំពោះថ្នាក់ដឹកនាំក្រសួងការពារប្រទេស​វៀត​ណាម​ដែលបានបង្កលក្ខណៈងាយស្រួមសម្រាប់រូព​លោកឲ្យ​បំពេញល្អភារកិច្ចរបស់ខ្លួន។ លោកវរសេនីយ៍ឯក Bangsy Xaysomkhoth បានបញ្ជាក់ថា លោកនឹងប្រឹងប្រែងឱ្យអស់ពីសមត្ថភាពដើម្បីជម្រុញកិច្ចសហប្រតិបត្តិការការពារជាតិទ្វេភាគីឱ្យកាន់តែរីកចម្រើនថែមទៀត ដែល​នាំមកនូវប្រសិទ្ធភាពជាក់ស្តែងជូនបុព្វហេតុកសាងកងទ័ពនៅប្រទេសរៀងៗខ្លួន៕

បកប្រែដោយ Duy Hoan