ខុទ្ទកាល័យនៃក្រសួងការពារប្រទេសវៀតណាមនិងក្រសួងការពារជាតិឡាវចែករំលែកបទពិសោធន៍អំពីការងារបណ្ណសារ
កប.អនឡាញ - នាព្រឹកថ្ងៃទី១៧ ខែកញ្ញា នៅទីក្រុងហាណូយ គណៈប្រតិភូនៃខុទ្ទកាល័យក្រសួងការពារប្រទេសវៀតណាមដឹកនាំដោយលោកឧត្តមសេនីយ៍ត្រី Nguyen Xuan Nghi នាយរងខុទ្ទកាល័យបានមានកិច្ចប្រជុំជាមួយក្រុមបេសកកម្មនាយកដ្ឋានផែនការទូទៅ ខុទ្ទកាល័យក្រសួងការពារជាតិឡាវដែលដឹកនាំដោយលោកវរសេនីយ៍ឯក Vilatu Volachit អនុប្រធាននាយកដ្ឋាន ក្នុងឱកាសបំពេញទស្សនកិច្ចការងារនៅវៀតណាម។
លោកឧត្តមសេនីយ៍ត្រី Nguyen Xuan Nghi និងលោកវរសេនីយ៍ឯក Vilatu Volachit បានផ្លាស់ប្ដូរនិងចែករំលែកបទពិសោធន៍អំពីការងារបណ្ណសារ ការប្រើប្រាស់បច្ចេកវិទ្យា ព័ត៌មានវិទ្យាក្នុងការងារការិយាល័យ និងការបណ្ដុះបណ្ដាលបណ្ណារក្សរវាងការរិយាល័យទាំងពីររបស់ក្រសួងការពារប្រទេសវៀតណាមនិងក្រសួងការពារជាតិឡាវ។
ក្នុងក្របខ័ណ្ឌនៃដំណើរទស្សនកិច្ចការងារនៅវៀតណាម ក្រុមបេសកកម្មឡាវនៅបានទៅទស្សនកិច្ច និងចែករំលែកបទពិសោធន៍អំពីការងារបណ្ណសារ និងការប្រើប្រាស់បច្ចេកវិទ្យា ព័ត៌មានវិទ្យាក្នុងការងារការិយាល័យជាមួយស្ថាប័ន និងអង្គភាពមួយចំនួននៅទីក្រុងហាណូយ។ ដំណើរទស្សនកិច្ចការងារលើកនេះរបស់ក្រុមបេសកកម្មឡាវបានរួមចំណែករក្សានិងបង្កើនទំនាក់ទំនងមិត្តភាពជាប្រពៃណី ចំណងសាមគ្គីភាពពិសេសរវាងប្រទេសទាំងពីរ កងទ័ពទាំងពីរនិយាយរួម និងខុទ្ទកាល័យនៃក្រសួងការពារជាតិទាំងពីរនិយាយដោយឡែក៕
បកប្រែដោយ Thuy Anh