វៀតណាម - អាមេរិកជំរុញសកម្មភាពជម្នះលើផលវិបាកនៃសង្គ្រាម
កប.អនឡាញ - នារសៀលថ្ងៃទី ១៨ កក្កដា នៅទីស្នាក់ការនៃក្រសួងការពារប្រទេសវៀតណាម លោកឧត្តមសេនីយ៍ឯក Nguyen Chi Vinh អនុរដ្ឋមន្រ្តីក្រសួងការពារប្រទេសវៀតណាម និងជាប្រធានស្ថាប័នប្រចាំការ នៃគណៈកម្មការដឹកនាំលេខ៧០១ បានជួបធ្វើការជាមួយលោក Michael Greene នាយកទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ USAID ប្រចាំនៅវៀតណាម។
នៅឯជំនួបនោះ ភាគីទាំងពីរបានផ្លាស់ប្តូរ និងវាយតំលៃលើលទ្ធផលនៃសកម្មភាពសហប្រតិបត្តិការទាំងឡាយនាពេលកន្លងមក។ ជាពិសេស ភាគីទាំងពីរបានសហការគ្នារៀបចំប្រកដោយជោគជ័យនូវសិក្ខាសាលាស្តីពី "ជម្នះលើផលវិបាកនៃសង្គ្រាម៖ ដំណើរការផ្សះផ្សា និងកិច្ចសហប្រតិបត្តិការនាពេលអនាគតរវាងវៀតណាម និងសហរដ្ឋអាមេរិក" នៅទីក្រុងវ៉ាស៊ីនតោន កាលពីថ្ងៃទី ២៦ ខែមីនា ឆ្នាំ២០១៩ បានជួយជូនដំណឹងដល់សហគមន៍អន្តរជាតិអំពីលទ្ធផលនៃកិច្ចសហប្រតិបត្តិការដែលប្រទេសទាំងពីរសម្រេចបាន ក្នុងការជម្នះលើផលវិបាកនៃសង្គ្រាម។ លើសពីនេះទៀត ភាគីទាំងពីរបន្តសហការក្នុងការត្រៀមរៀបចំអនុវត្តគម្រោងសម្អាតសារធាតុឌីអុកស៊ីននៅព្រលានយន្តហោះ Bien Hoa វៀតណាម។ គម្រោងនេះត្រូវបានផ្តល់សច្ចាប័នដោយនាយករដ្ឋមន្រ្តី ហើយនិងបានចាប់ផ្តើមនៅថ្ងៃទី ២០ ខែមេសា ឆ្នាំ២០១៩ ។ ភាគីទាំងពីរក៏មានការរីកចម្រើនក្នុងកិច្ចសហប្រតិបត្តិការស្តីពីការជួយឧបត្ថម្ភដល់ជនពិការនៅតាមបណ្ដាខេត្តដែលត្រូវបាញ់ជាតិគីមីពុលពណ៌លឿងទុំ dioxin តាមរយៈការចុះហត្ថលេខាលើលិខិតសំដែងបំណងរវាងការិយាល័យលេខ ៧០១ និង USAID ៕
បកប្រែដោយ Duy Hoan