ពិធីធ្វើមាតុភូមិនិវត្តន៍អដ្ឋិធាតុយោធិនសហរដ្ឋអាមេរិកដែលបាត់ខ្លួនកាលពីសម័យសង្គ្រាមនៅវៀតណាម
កប.អនឡាញ - អញ្ជើញចូលរួមមានលោក Bui Thanh Son អនុរដ្ឋមន្ត្រីការបរទេសវៀតណាមនិងលោក Daniel Kritenbrink ឯកអគ្គរដ្ឋទូតសហរដ្ឋអាមេរិកប្រចាំនៅប្រទេសវៀតណាម តំណាងទីភ្នាក់ងារគ្រប់គ្រងឈ្លើយសឹក និងជនបាត់ខ្លួនរបស់ក្រសួងការពារជាតិ និងការិយាល័យទទួលបន្ទុកការរុករកជនអាមេរិកដែលបាត់ខ្លួននៅវៀតណាម (MIA) របស់សហរដ្ឋអាមេរិកប្រចាំនៅទីក្រុងហាណូយ។
|
|
ពិធីធ្វើមាតុភូមិនិវត្តន៍អដ្ឋិធាតុយោធិនសហរដ្ឋអាមេរិកដែលបាត់ខ្លួនកាលពីសម័យសង្គ្រាមនៅវៀតណាមលើកទី១៥០ |
ថ្លែងនៅពិធី លោកអនុរដ្ឋមន្រ្តីក្រសួងការបរទេស Bui Thanh Son បានបញ្ជាក់ឡើងវិញនូវគោលនយោបាយមនុស្សធម៌របស់រដ្ឋាភិបាលនិងប្រជាជនវៀតណាមក្នុងការជួយសហរដ្ឋអាមេរិករុករកអដ្ឋិធាតុយោធិនដែលបាត់ខ្លួន។ លោកក៏វាយតម្លៃខ្ពស់ចំពោះកិច្ចសហប្រតិបត្តិការរវាងប្រទេសទាំងពីរក្នុងការពុះពារជម្នះផលវិបាកនៃសង្គ្រាមនៅវៀតណាម ជាពិសេសការលុបបំបាត់ជាតិឌីអូស៊ីននៅព្រលានយន្តហោះ Da Nang និងព្រលានយន្តហោះ Bien Hoa នៃប្រទេសវៀតណាម ព្រមទាំងជួយថែទាំសុខភាពសម្រាប់ជនរងគ្រោះដោយជាតិគីមី ឌីអូស៊ីននិងស្នើឲ្យភាគីទាំងពីរជំរុញកិច្ចសហប្រតិបត្តិការលើវិស័យនេះថែមទៀត។
លោកឯកអគ្គរដ្ឋទូតសហរដ្ឋអាមេរិក Daniel Kritenbrink បានវាយតម្លៃខ្ពស់ចំពោះទំនាក់ទំនងទ្វេភាគីដ៏ល្អប្រសើរ ព្រមទាំងលោកសន្យាថានឹងបន្ដជួយឧបត្ថម្ភវៀតណាមក្នុងការពុះពារជម្នះផលវិបាកនៃសង្គ្រាម។
ការរុករកនិងប្រមូលអដ្ឋិធាតុយោធិននៃសហរដ្ឋអាមេរិកដែលបាត់ខ្លួនកាលពីសម័យសង្គ្រាមនៅវៀតណាមគឺជាសកម្មភាពមនុស្សធម៌រវាងរដ្ឋាភិបាលវៀតណាមនិងសហរដ្ឋអាមេរិក៕
បកប្រែដោយ Pham Diep