វៀតណាម និងកាណាដាសហការរៀបចំវគ្គបណ្តុះបណ្តាលនាយទាហានផ្នែកភស្តុភារបស់អង្គការសហប្រជាជាតិ
កប.អនឡាញ - នាព្រឹក ថ្ងៃទី១៦ ខែមេសា នៅទីស្នាក់ការនាយកដ្ឋានរក្សាសន្តិភាពវៀតណាម វៀតណាម និងកាណាដា បានសហការរៀបចំវគ្គបណ្តុះបណ្តាលនាយទាហានផ្នែកភស្តុភារបស់អង្គការសហប្រជាជាតិ។ លោកឧត្តមសេនីយ៍ឯក Nguyen Chi Vinh អនុរដ្ឋមន្ត្រីក្រសួងការពារប្រទេសវៀតណាម និងជាប្រធានគណៈកម្មការបញ្ជាការណែនាំរបស់ក្រសួងការពារប្រទេស ស្តីពីការដែលវៀតណាមចូលរួមសកម្មភាពរក្សាសន្តិភាពរបស់អង្គការសហប្រជាជាតិ រួមជាមួយឯកអគ្គរដ្ឋទូតកាណាដាប្រចាំនៅវៀតណាម លោកស្រី Deborah Paul បានអញ្ជើញជាអធិបតីក្នុងពិធីនេះ។
មានប្រសាសន៍នៅពិធីបើកវគ្គបណ្តុះបណ្តាល លោកឧត្តមសេនីយ៍ឯក Nguyen Chi Vinh បានសង្កត់ធ្ងនថា វគ្គបណ្តុះបណ្តាលដោយមានការចូលរួមពីគ្រូបង្រៀន និងសិក្ខាកាមមកពីបណ្តាប្រទេស បានបញ្ជាក់ពីទំនាក់ទំនង កិច្ចសហប្រតិបត្តិការពហុភាគីដ៏ល្អប្រសើររវាងវៀតណាម និងបណ្តាប្រទេសនៅលើពិភពលោក រួមទាំងកិច្ចសហប្រតិបត្តិការលើសកម្មភាពរក្សាសន្តិភាពរបស់អង្គការសហប្រជាជាតិ។
    |
 |
|
លោកឧត្តមសេនីយ៍ឯក Nguyen Chi Vinh និងថ្នាក់ដឹកនាំនាយកដ្ឋានរក្សាសន្តិភាពវៀតណាម ថតរូតជាអនុស្សាវរីយ៍ជាមួយគ្រូបង្រៀន និងសិក្ខាកាមទាំងឡាយ |
ឯកអគ្គរដ្ឋទូតកាណាដា លោកស្រី Deborah Paul បានរំពឹងថា វគ្គបណ្តុះបណ្តាលលើកនេះនឹងបើកកាលានុវត្តភាពសម្រាប់កិច្ចសហប្រតិបត្តិការលើការបណ្តុះបណ្តាលជាបន្តបន្ទាប់រវាងកាណាដា និងវៀតណាមនាពេលខាងមុខ។
វគ្គបណ្តុះបណ្តាលលើកនេះក្នុងគោលបំណងផ្តល់នូវចំណេះដឹង វិធីសាស្ត្រ និងជំនាញវិជ្ជាជីវៈសម្រាប់នាយទាហានរបស់វៀតណាម និងនាយទាហាននៃបណ្តាប្រទេសជាដៃគូដែលចំណុះកម្មវិធីសហប្រតិបត្តិការលើការបណ្តុះបណ្តាលយោធា ដើម្បីត្រៀមរៀបចំសម្រាប់បំពេញភារកិច្ចនៅឯគ្រាប់ស្ថានបេសកកម្ម៕
បកប្រែដោយ Huyen Trang