រំលឹកខួបលើកទី ៧០ នៃទិវាប្រពៃណីកងទ័ពជើងអាកាសប្រជាជនវៀតណាម

ថ្លែងមតិក្នុងពិធី លោករដ្ឋមន្ត្រី Phan Van Giang បានអបអរសាទរចំពោះសមិទ្ធិផល និងយុទ្ធជ័យដែលកងទ័ពជើងអាកាសសម្រេចបាន។

ថ្នាក់ដឹកនាំប្រភេទទ័ពការពារដែនអាកាស - ទ័ពជើងអាកាស ស្វាគមន៍លោកនាយឧត្តមសេនីយ៍ Phan Van Giang មកចូលរួមក្នុងពិធីរំលឹក

ដើម្បីបន្តបំពេញល្អនូវភារកិច្ចរបស់ខ្លួន និងពន្លឿនដំណើរការកសាងកម្លាំងទ័ពជើងអាកាសមានរបៀបរៀបរយ ចំណាន និងទំនើប លោកនាយឧត្តមសេនីយ៍ Phan Van Giang បានស្នើឱ្យប្រភេទទ័ពការពារដែនអាកាស - ទ័ពជើងអាកាស បន្តប្រកាន់ខ្ជាប់ អនុវត្តយ៉ាងម៉ឺងម៉ាត់ និងប្រកបដោយប្រសិទ្ធភាពនូវសេចក្តីសម្រេចចិត្តរបស់សន្និបាតលើកទី ៨ នៃគណៈកម្មាធិការមជ្ឈិមបក្សកុម្មុយនិស្តវៀតណាមនីតិកាលទី១៣ ស្តីពីយុទ្ធសាស្ត្រការពារមាតុភូមិក្នុងស្ថានភាពថ្មី និងសេចក្តីសម្រេច និងសេចក្តីសន្និដ្ឋានរបស់ការិយាល័យនយោបាយស្តីពីយុទ្ធសាស្ត្រយោធា ការពារជាតិ; អនុវត្តយ៉ាងម៉ឺងម៉ាត់នូវការណែនាំ បទបញ្ជា និងបទប្បញ្ញត្តិស្តីពីការត្រៀមប្រយុទ្ធជាស្រេច ការគ្រប់គ្រងដែនអាកាស និងការគ្រប់គ្រងប្រតិបត្តិការហោះហើរ។

លោកនាយឧត្តមសេនីយ៍ Phan Van Giang ថ្លែងនៅក្នុងពិធី

ជាពិសេស តាមដាន និងក្តាប់ជាប់ស្ថានការណ៍ ផ្តល់យោបល់ជាបន្ទាន់ដល់គណៈកម្មាធិការបក្សយោធាមជ្ឈិម ក្រសួងការពារប្រទេស អំពីផែនការ និងគោលនយោបាយប្រើប្រាស់កម្លាំងទ័ពការពារដែនអាកាស ទ័ពជើងអាកាស កែលម្អគុណភាពរួម និងកម្លាំងប្រយុទ្ធជានិច្ច; ផ្តោតលើការហ្វឹកហ្វឺន។ល។

ប្រភេទទ័ពការពារដែនអាកាស - ទ័ពជើងអាកាស ចាំបាច់ត្រូវបន្តពិនិត្យ បំពេញបន្ថែមផែនការប្រតិបត្តិការរបស់ខ្លួន ដើម្បីការពារសមុទ្រ និងកោះស្របតាមភាពជាក់ស្តែង; ផ្តោតលើការកសាងគម្រោងដើម្បីកែសម្រួលការប្រយុទ្ធការពារដែនអាកាសដើម្បីបំពេញតម្រូវការនៃបេសកកម្មប្រយុទ្ធក្នុងស្ថានភាពថ្មី។ល៕

បកប្រែដោយ Huyen Trang