នាវាកងទ័ពជើងទឹក និងកងល្បាតឆ្នេរសមុទ្រអាមេរិកបំពេញទស្សនកិច្ចនៅខេត្ដ Khanh Hoa

អញ្ជើញចូលរួមពិធីទទួលស្វាគមន៍មានថ្នាក់ដឹកនាំតំបន់លេខ ៤ កងទ័ពជើងទឹក  តំបន់កងឆ្មាំសមុទ្រលេខ ៣ រួមជាមួយតំណាងមន្ទីរការបរទេសខេត្ត Khanh Hoa និងស្ថាប័នមានសមត្ថកិច្ចវៀតណាមមួយចំនួនទៀត  រួមទាំងឯកអគ្គរដ្ឋទូត  អនុព័ន្ធយោធានិងមន្ត្រីស្ថានទូតអាមេរិកប្រចាំវៀតណាម។

តំណាងបណ្ដាអង្គភាពយោធា និងអាជ្ញាធរមូលដ្ឋានទទួលស្វាគមន៍គណៈប្រតិភូនៅកំពង់ផែអន្តរជាតិ Cam Ranh

ជូនផ្កាស្វាគមន៍គណៈប្រតិភូកងទ័ពជើងទឹក និងកងល្បាតឆ្នេរសមុទ្រអាមេរិកដែលកំពុងបំពេញទស្សនកិច្ចនៅខេត្ត Khanh Hoa

ក្នុងដំណើរទស្សនកិច្ចនៅខេត្ដ Khanh Hoa មេបញ្ជាការកងនាវាចរលេខ ៧ នៃបញ្ជាការដ្ឋានឥណ្ឌូប៉ាស៊ីហ្វិកអាមេរិក និងក្រុមមេបញ្ជាការនាវានឹងចូលជួបសម្តែងការគួរសមជាមួយថ្នាក់ដឹកនាំគណៈកម្មាធិការប្រជាជនខេត្ត Khanh Hoa និងកងឯកភាព​ទ័ពជំនាញកងទ័ពជើងទឹក; ការប្រកួតកីឡាជាមួយកម្មាភិបាល និងយុទ្ធជននៃតំបន់លេខ ៤ កងទ័ពជើងតឹក និងតំបន់កងឆ្មាំសមុទ្រលេខ ៣  និងចូលរួមផ្លាស់ប្តូរជំនាញជាមួយអង្គភាពនានារបស់ក្រសួងការពារប្រទេស ផ្លាស់ប្តូរភាសាអង់គ្លេសនិងទស្សនាគ្រឹះស្ថានការពារកុមារ និងជនងាយរងគ្រោះ។

ដំណើរទស្សនកិច្ចនេះ រួមចំណែករក្សាទំនាក់ទំនងមិត្តភាព និងភាពជាដៃគូយុទ្ធសាស្ត្រលើគ្រប់ជ្រុងជ្រោយដើម្បីសន្តិភាព កិច្ចសហប្រតិបត្តិការ និងការអភិវឌ្ឍប្រកបដោយចីរភាពរវាងវៀតណាមនិងអាមេរិក៕

បកប្រែដោយ Pham Diep