ប្រគល់អំណោយរបស់ក្រសួងការពារប្រទេសជូនទីក្រុងហូជីមិញ
កប.អនឡាញ - នាព្រឹកថ្ងៃទី១២ ខែកញ្ញា អនុវត្តតាមការបញ្ជាពីក្រសួងការពារប្រទេសវៀតណាម បញ្ជាការដ្ឋានយោធាទីក្រុងហូជីមិញ បានរៀបចំពិធីចេញដំណើរទៅប្រគល់អំណោយជួយគាំទ្រប្រជាជនទីក្រុងហូជីមិញដែលជួបការលំបាកដោយសារជំងឺ Covid-19។
អញ្ជើញចូលរួមពិធីមានវត្តមានរបស់លោកឧត្តមសេនីយ៍ទោ Ngo Minh Tien អនុប្រធានអគ្គសេនាធិការ និងលោកឧត្តមសេនីយ៍ទោ Nguyen Van Nam មេបញ្ជាការដ្ឋានយោធាទីក្រុងហូជីមិញ។
|
|
លោកឧត្តមសេនីយ៍ទោ Ngo Minh Tien ជូនអំណោយដល់ប្រជាជនខ័ណ្ឌលេខ៨ |
ក្នុងឱកាសនេះ គណៈកម្មាធិការបក្សយោធាមជ្ឈិម ក្រសួងការពារប្រទេសវៀតណាមបានជូនទីក្រុងហូជីមិញអំណោយចំនួន ១០០,០០០ កញ្ចប់។ បញ្ជាការដ្ឋានយោធាទីក្រុងហូជីមិញនឹងចែកចាយជូនបញ្ជាការដ្ឋានយោធាសង្កាត់ ស្រុកចំនួន២១ និងទីក្រុង Thu Duc ដើម្បីចែកជូនក្រុមគ្រួសារជួបការលំបាកដោយសារជំងឺ Covid-19។
ថ្លៃងក្នុងពិធីប្រគល់ លោកឧត្តមសេនីយ៍ទោ Ngo Minh Tien បានស្នើឲ្យកម្មាភិបាល និងយុទ្ធជននៃកងកម្លាំងប្រដាប់អាវុធទីក្រុង សហការយ៉ាងជិតស្និទ្ធជាមួយថ្នាក់ដឹកនាំ និងអង្គការរបស់មូលដ្ឋាន ដើម្បីជូនអំណោយទាំងនេះដល់ប្រជាជនយ៉ាងឆាប់៕
បកប្រែដោយ Thuy Anh