បង្កើនកិច្ចសហប្រតិបត្តិការក្នុងការប្រយុទ្ធប្រឆាំងនិងទប់ស្កាត់ឧក្រិដ្ឋកម្មគ្រឿងញៀនឆ្លងដែន
កប.អនឡាញ - នារសៀលថ្ងៃទី ១០ ខែកញ្ញា នៅទីក្រុងហាណូយ ក្រសួងនគរបាលវៀតណាមបានរៀបចំសន្និសីទថ្នាក់រដ្ឋមន្រ្តីស្តីពីការលើកកម្ពស់ប្រសិទ្ធភាពនៃកិច្ចសហប្រតិបត្តិការក្នុងការប្រយុទ្ធប្រឆាំងនិងទប់ស្កាត់ឧក្រិដ្ឋកម្មគ្រឿងញៀនឆ្លងដែន ដោយមានការចូលរួមពីប្រតិភូជិត ២០០ នាក់ មកពីបណ្តាប្រទេស អង្គការអន្តរជាតិក្នុងតំបន់ រួមទាំងស្ថាប័នមានសមត្ថកិច្ចរបស់វៀតណាមទៀតផង។ លោកឧបនាយករដ្ឋមន្រ្តីវៀតណាម Truong Hoa Binh និងលោកនាយឧត្តមសេនីយ៍ To Lam រដ្ឋមន្ត្រីក្រសួងនគរបាលវៀតណាមអញ្ជើញចូលរួមសន្និសីទនេះ។
|
|
ប្រតិភូទាំងឡាយថតរូបជាអនុស្សាវរីយ៍ |
ប្រតិភូទាំងឡាយនឹងផ្តោតលើការវិភាគ និងវាយតម្លៃលើស្ថានភាពជួញដូរនិងដឹកជញ្ជូនគ្រឿងញៀនខុសច្បាប់ក្នុងតំបន់ ហើយពិភាក្សាការងារនិងឯកភាពគ្នាលើដំណោះស្រាយចាំបាច់និងយុទ្ធសាស្ដ្រដើម្បីប្រយុទ្ធប្រឆាំងនឹងឧក្រិដ្ឋកម្មគ្រឿងញៀនឆ្លងដែនប្រកបដោយប្រសិទ្ធភាព។
ថ្លែងក្នុងពិធីបើកសន្និសីទ លោកឧបនាយករដ្ឋមន្រ្តី Truong Hoa Binh បានសង្កត់ធ្ងន់ថា៖ ក្នុងរយៈពេលប៉ុន្មានឆ្នាំកន្លងមក រដ្ឋាភិបាលវៀតណាមតែងតែប្រកាន់ខ្ជាប់នូវគោលនយោបាយដោយដឹកនាំឲ្យបណ្ដាស្ថាប័នចាត់វិធានការនានាដើម្បីកាត់បន្ថយឧក្រិដ្ឋកម្មគ្រឿងញៀន។ វៀតណាមបានពិនិត្យឡើងវិញនិងវាយតម្លៃលើការអនុវត្តនិងការធ្វើវិសោធនកម្មច្បាប់ស្តីពីការប្រយុទ្ធប្រឆាំងគ្រឿងញៀននៅឆ្នាំ ២០០០។ វៀតណាមក៏បានបង្កើនកិច្ចសហប្រតិបត្តិការជាមួយបណ្ដាប្រទេសក្នុងតំបន់អង្គការអន្ដរជាតិនិងប្រទេសដៃគូនានាក្នុងការប្រយុទ្ធប្រឆាំងនឹងគ្រឿងញៀន.....។
ក្រៅពីអង្គប្រជុំពេញអង្គ សន្និសីទក៏មានកិច្ចប្រជុំតាមក្រុមរវាងវៀតណាម - ថៃ - ឡាវ - មីយ៉ាន់ម៉ា; វៀតណាម - ចិន - ឡាវ; វៀតណាម - ហ្វីលីពីន -DEA-AFP-UNODC ផងដែរ៕
បកប្រែដោយ Pham Diep