កម្មវិធីជួបសំណេះសំណាលមិត្ដភាពព្រំដែនរវាងវៀតណាម ជាមួយឡាវ និងកម្ពុជា នឹងធ្វើឡើងនាពេលឆាប់ៗនេះ
កប.អនឡាញ - នារសៀលថ្ងៃទី២០ ខែឧសភា លោកឧត្តមសេនីយ៍ត្រី Le Nhu Duc អនុប្រធានស្នងការនយោបាយនៃកងទ័ពការពារព្រំដែនវៀតណាម បានអញ្ជើញជាអធិបតីភាពក្នុងកិច្ចប្រជុំជាមួយការិយាល័យ និងផ្នែកនានា នៃស្នងការដ្ឋាននយោបាយ កងទ័ពការពារព្រំដែនស្តីពីការត្រៀមរៀបចំសម្រាប់កម្មវិធីជួបសំណេះសំណាលមិត្តភាពព្រំដែនវៀតណាម និងកម្ពុជានៅខេត្ត An Giang នៃប្រទេសវៀតណាម និងកម្មវិធីជួបសំណេះសំណាលរវាងបញ្ជាការដ្ឋានកងទ័ពការពារព្រំដែនខេត្ដ Quang Tri នៃប្រទេសវៀតណាម ជាមួយបញ្ជាការដ្ឋានយោធា និងស្នងការនគរបាលខេត្ត Savannakhet និង Salavan នៃប្រទេសឡាវ។
|
|
ទិដ្ឋភាពនៃកិច្ចប្រជុំ (រូបថត៖ thoidai.com.vn) |
កម្មវិធីជួបសំណេះសំណាលមិត្តភាពព្រំដែនវៀតណាម និងកម្ពុជានៅខេត្ត An Giang នៃប្រទេសវៀតណាមនឹងធ្វើឡើងនាដំណាច់ខែសីហា ឆ្នាំ២០១៩ និងកម្មវិធីជួបសំណេះសំណាលរវាងបញ្ជាការដ្ឋានកងទ័ពការពារព្រំដែនខេត្ដ Quang Tri នៃប្រទេសវៀតណាមជាមួយបញ្ជាការដ្ឋានយោធា និងស្នងការនគរបាលខេត្ត Savannakhet និង Salavan នៃប្រទេសឡាវនឹងធ្វើឡើងនាដំណាច់ខែកក្កដាឆ្នាំ២០១៩។
លោកឧត្តមសេនីយ៍ត្រី Le Nhu Duc បានប្រគល់ភារកិច្ចឲ្យការិយាល័យ អង្គភាពនានាដើម្បីត្រៀមរៀបចំឲ្យបានល្អសម្រាប់កម្មវិធីជួបសំណេះសំណាលមិត្តភាពព្រំដែនរវាងវៀតណាម និងកម្ពុជានៅខេត្ត An Giang វៀតណាម៕
បកប្រែដោយ Pham Diep