នាវាក្ដោងលេខ ២៨៦- Le Quy Don បានបញ្ចប់ដំណើរហ្វឹកហ្វឺនតាមសមុទ្រ
កប.អនឡាញ - នាព្រឹកថ្ងៃទី១៨ នាវាក្ដោងលេខ ២៨៦ - Le Quy Don និងគណៈប្រតិភូដឹកនាំដោយលោកវរសេនីយ៍ឯក Nguyen Duc Nam នាយករងនៃវិទ្យាស្ថានកងទ័ពជើងទឹកវៀតណាមបានចូលចតកំពង់ផែ Nha Trang ខេត្ដ Khanh Hoa ដោយបញ្ចប់ការហ្វឹកហ្វឺននៅតាមសមុទ្រប្រកបដោយជោគជ័យ រួមជាមួយការបំពេញទស្សនកិច្ចញនិងជួបសំណេះសំណាលជាមួយកងទ័ពជើងទឹកនៃប្រទេសសិង្ហបុរីនិងឥណ្ឌូនេស៊ី។
|
|
ថ្នាក់ដឹកនាំវិទ្យាស្ថានកងទ័ពជើងទឹកវៀតណាមបានជូនពរក្រុមការងារនៃនាវាក្ដោងលេខ ២៨៦- Le Quy Don បានសម្រេចភារកិច្ចរបស់ខ្លួន |
ក្នុងអំឡុងពេលនៃការហ្វឹកហ្វឺន សិក្ខាកាមបានអនុវត្តជាក់ស្ដែងមុខវិជ្ជាទាំងអស់ដូចជា នាវាចរណ៍ អាវុធ និងទាក់ទងព័ត៌មាន-រ៉ាដា ធានាតាមពេលវេលាកំណត់ រួមចំណែកលើកកម្ពស់ចំណេះដឹងនិងជំនាញវិជ្ជាជីវៈសម្រាប់សិក្ខាកាម។
សកម្មភាពនៃការធ្វើទស្សនកិច្ចនិងជួបសំណេះសំណាលជាមួយកងទ័ពជើងទឹកបណ្ដាប្រទេសត្រូវបានរៀបចំយ៉ាងមហោឡារិក តាមរយៈនោះរួមចំណែកក្នុងការបង្កើនការយល់ដឹង ការទុកចិត្ដនិងពង្រឹងសាមគ្គីភាពនិងមិត្តភាពរវាងកងទ័ពជើងទឹកវៀតណាមជាមួយកងទ័ពជើងទឹកនៃប្រទេសសិង្ហបុរីនិងឥណ្ឌូណេស៊ី។
ក្នុងឱកាសនេះដែរ វិទ្យាស្ថានកងទ័ពជើងទឹកបានប្រគល់ប័ណ្ណសរសើរជូនអង្គភាពនាវាក្ដោងលេខ ២៨៦ - Le Quy Don និងបុគ្គលមានស្នាដៃល្អក្នុងការបំពេញដំណើរទស្សនកិច្ចលើកនេះ៕
បកប្រែដោយ Pham Diep