ពិធីរំលឹកខួបលើកទី៧៥ ឆ្នាំនៃការបោះឆ្នោតសកលជាលើកដំបូង បានប្រារព្ធឡើងយ៉ាងឱឡារិកនៅអគាររដ្ឋសភា

អគ្គលេខាបក្ស ប្រធានរដ្ឋវៀតណាម លោក Nguyen Phu Trong រួមជាមួយប្រធានរដ្ឋសភាវៀតណាម លោកស្រី Nguyen Thi Kim Ngan និងប្រតិភូចូលរួមពិធី

ថ្លែងនៅក្នុងពិធីនេះ លោកស្រីប្រធានរដ្ឋសភា Nguyen Thi Kim Ngan បានចាត់ទុកថា ដោយពង្រីកប្រពៃណីរបស់រដ្ឋសភាទាំង ១៣ នីតិកាលមុននេះ ក្នុងស្មារតីសាមគ្គីភាព ភាពច្នៃប្រឌិត និងធ្វើសកម្មភាពដើម្បីផលប្រយោជន៍របស់ប្រជាជននោះ រដ្ឋសភានីតិកាលទី១៤ សម្រេចបានលទ្ធផលគ្រប់ជ្រុងជ្រោយរួមចំណែកក្នុងសមិទ្ធិផលដ៏ធំធេង ដោយមានអត្ថន័យប្រវត្តិសាស្ត្ររបស់ប្រទេសជាតិក្នុងអំឡុងពេល ៣៥ ឆ្នាំផ្លាស់ថ្មី។

ប្រធានរដ្ឋសភាវៀតណាម លោកស្រី Nguyen Thi Kim Ngan ថ្លែងនៅក្នុងពិធី (រូបថត៖ vov.vn)

លោកស្រីប្រធានរដ្ឋសភា Nguyen Thi Kim Ngan បានអះអាងថា សមិទ្ធិផលដ៏ធំធេងទាំងនោះ រួមជាមួយប្រពៃណីដ៏ថ្លៃថ្លារបស់រដ្ឋសភាវៀតណាមក្នុងអំឡុងពេល ៧៥ ឆ្នាំកន្លងមក នឹងបង្កើតមូលដ្ឋានគ្រឹះដ៏រឹងមាំ សម្រាប់រដ្ឋសភានីតិកាលទី១៥ ក៏ដូចជានីតិកាលក្រោយៗ។

លោកស្រីប្រធានរដ្ឋសភា Nguyen Thi Kim Ngan បានលើកឡើងថា ភារកិច្ចនាពេលខាងមុខ និងយូរអង្វែងរបស់ប្រទេសជាតិនិយាយរួម និងរបស់រដ្ឋសភានិយាយដោយឡែកគឺធ្ងន់ធ្ងរណាស់ ដោយទាមទារឲ្យរដ្ឋសភាចាំបាច់ត្រូវបន្តផ្លាស់ថ្មី កែលម្អសកម្មភាព លើកកំពស់ថែមទៀតនូវគុណភាព ប្រសិទ្ធភាព ដើម្បីចូលរួមចំណែកយ៉ាងសកម្មក្នុងបុព្វហេតុផ្លាស់ថ្មី និងធ្វើសមាហរណកម្មរបស់វៀតណាម៕

បកប្រែដោយ Thanh Cong