ពិធីបិទមហាពិធីបុណ្យ Vesak ឆ្នាំ២០១៩
បន្តលើកកម្ពស់ទង់មនុស្សធម៌ សន្តិភាព មិត្តភាព និងកិច្ចសហប្រតិបត្តិការ
កប.អនឡាញ - នាថ្ងៃទី១៤ ខែឧសភា មហាពិធីបុណ្យ វិសាខបូជានៃអង្គការសហប្រជាជាតិឆ្នាំ២០១៩ (Vesak 2019) បានបិទបញ្ចប់នៅមជ្ឈមណ្ឌលវប្បធម៌ ព្រះពុទ្ធសាសនា Tam Chuc ស្រុក Kim Bang ខេត្ត Ha Nam ក្រោយរយៈពេល៣ថ្ងៃធ្វើការ។ ឧបនាយករដ្ឋមន្រ្តីវៀតណាមលោក Truong Hoa Binh និងប្រធានក្រុមប្រឹក្សាជាតិនៃព្រះរាជាណាចក្រប៊ូតង់ Tashi Dorji បានចូលរួមពិធីបិទ។
ថ្លែងមតិនៅពិធីបិទបញ្ចប់ ឧបនាយករដ្ឋមន្ត្រីលោក Truong Hoa Binh បានសង្កត់ធ្ងន់ថា មហាពិធីបុណ្ត Vesak 2019 នៃអង្គការសហប្រជាជាតិបានក្លាយទៅជាពិធីបុណ្យវប្បធម៌ដែលពោរពេញទៅដោយ ស្មារតីសាមគ្គីភាពអន្តរជាតិដែលជួយលើកកំពស់សារស្តីពីសន្តិភាព សាមគ្គីភាព ក្តីស្រឡាញ់ដោយឈរលើមូលដ្ឋាននៃគំនិតរបស់ព្រះពុទ្ធ។ មហាពិធីបុណ្ត Vesak 2019 ត្រូវបានប្រារព្ធនៅវៀតណាមបានបន្តលើកកម្ពស់ ទង់នៃសន្តិភាព មនុស្សធម៌ មិត្តភាព និងកិច្ចសហប្រតិបត្តិការនៃមហាពិធីបុណ្ត Vesak 2019 នៃអង្គការសហប្រជាជាតិ ជួយផ្សាភ្ជាប់កម្លាំង ចំណងសាមគ្គីភាព ស្មារតីខិតខំប្រឹងប្រែងដើម្បីធ្វើការរួមគ្នារបស់ពុទ្ធបរស័ទទាំងមូលលើពិភពលោក ដើម្បីសន្តិភាព កិច្ចសហប្រតិបត្តិការ និងភាពជឿនលឿននៃសង្គម។
|
|
កម្មវិធីសម្តែងសិល្បៈមួយក្នុងមហាពិធីបុណ្យ Vesak 2019 |
យោងតាមលោកឧបនាយករដ្ឋមន្រ្តី Truong Hoa Binh បានឱ្យដឹងថា ក្នុងរយៈពេលពីរបីថ្ងៃកន្លងមកនេះ រាល់សតិអារម្មណ៍ ប្រាជ្ញា និងចិត្តសន្តោសប្រណី តាមស្មារតីនៃព្រះពុទ្ធសាសនាបានតភ្ជាប់មិត្តភ័ក្រ្តនៅគ្រប់ទីកន្លែងដើម្បីប្រមូលគ្នានៅវត្ត Tam Chuc ក្នុងស្មារតី សាមគ្គីភាព មិត្ដភាពនៃអ្នកដែលមានបំណងប្រាថ្នាដូចគ្នាដើម្បីលើកស្ទួយស្មារតីអត់ធ្មត់ ចិត្តសន្តោសប្រណី ការបង្រួបបង្រួមដើម្បីរួមចំណែកកសាងពិភពលោកមួយប្រកបដោយសន្តិភាព និងសុភមង្គល។ បំណងប្រាថ្នាដ៏ល្អៗសម្រាប់ពិភពលោកសន្តិភាពមួយ សង្គមអភិវឌ្ឍន៍ប្រកបដោយនិរន្តរភាពមួយត្រូវបានពិភាក្សាព្រមព្រៀង និងបង្ហាញយ៉ាងច្បាស់លាស់តាមរយៈសេចក្តីប្រកាសរបស់ហាណាម Vesak 2019 ដែលបញ្ជាក់ពីការរួមចំណែកជាក់ស្តែង និងមានប្រសិទ្ធភាពរបស់ពុទ្ធសាសនាវៀតណាមនិយាយដោយឡែក និងពុទ្ធសាសនាពិភពលោកក្នុងការសម្រេចឲ្យបាននូវរាល់គោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ។ "ជាមួយនឹងរាល់ការចូលរួមវិភាគទានទាំងនោះ យើងសង្ឃឹមអំពីអនាគតមួយដ៏ភ្លឺស្វាងរបស់មនុស្សជាតិនិងភាពចលាចលនៃសង្គមដូចជា៖ សង្គ្រាម ជំលោះជាតិសាសន៍ សាសនា ការរងទុក្ខរបស់មនុស្សជាតិ គម្លាតរវាងអ្នកមាននិងអ្នកក្រ ភាពក្រីក្រ និងការប្រែប្រួលអាកាសធាតុ... ត្រូវបានរុញច្រានជាជំហានៗ។ សតិអារម្មណ៍ល្អនៃមហាពិធីបុណ្យ Vesak 2019 នៃអង្គការសហប្រជាជាតិនឹងបន្តទទួលបានអត្ថប្រយោជន៍យ៉ាងស៊ីជម្រៅ និងធំធេងដើម្បីសារអំពីសន្តិភាព និងសេចក្តីស្រឡាញ់របស់ព្រះពុទ្ធត្រូវបានចែងចាំងបំភ្លឺជានិច្ច ឧបនាយករដ្ឋមន្ត្រី Truong Hoa Binh បានលើកឡើង ។
ឧបនាយករដ្ឋមន្ត្រីប្រចាំការលោក Truong Hoa Binh បានអះអាងថា៖ វៀតណាមជានិច្ចកាលគោរពគោលនយោបាយគោរពនិងធានាសេរីភាពខាងជំនឿសាសនា សិទ្ធិប្រកាន់ឬមិនប្រកាន់សាសនាណាមួយ និងសិទ្ធិចូលរួមក្នុងរាល់សកម្មភាពសាសនាធម្មតាតាមច្បាប់។ បណ្ដាសាសនានៅវៀតណាមជានិច្ចកាលភ្ជាប់ទំនាក់ទំនងជាមួយប្រទេសជាតិ ហើយបានរួមចំណែកយ៉ាងច្រើនដល់បុព្វហេតុកសាងនិងការពារជាតិដោយការចូលរួមយ៉ាងសកម្មក្នុងការដោះស្រាយរាល់បញ្ហាក្នុងជីវភាពសង្គមកិច្ចដូចជាសប្បុរសធម៌ ការអប់រំ និងសុខភាព។ ឧបនាយករដ្ឋមន្រ្តីលោក Truong Hoa Binh បានអះអាងថា៖ វៀតណាមនឹងបន្តខំប្រឹងប្រែង ដើម្បីមានគោលនយោបាយល្អប្រសើរថែមទៀតដើម្បីកែលម្អជីវភាពរស់នៅរបស់ប្រជាពលរដ្ឋឱ្យបានល្អប្រសើរ ជាពិសេសគឺប្រជាជនក្រីក្រនៅតំបន់ដាច់ស្រយាល ជនជាតិភាគតិច និងជាជំហានៗអនុវត្តសមភាពសង្គម កសាងប្រទេសជាតិវៀតណាមប្រជាធិបតេយ្យ យុត្តិធម៌ និងស៊ីវិល័យ។
នៅក្នុងសុន្ទរកថារបស់ខ្លួនលោកប្រធានព្រឹទ្ធសភានៃព្រះរាជាណាចក្រប៊ូតាន់លោក Tashi Dorji បានអបអរសាទរវៀតណាមជាលើកទីបីដែលបានរៀបចំប្រកបដោយជោគជ័យមហាពិធីបុណ្យ Vesak 2019។ ស។ លោក Tashi Dorji បាននិយាយថា តាំងពីដំបូងលោកបានជឿជាក់យ៉ាងមុតមាំចំពោះជោគជ័យនៃមហាពិធីបុណ្យ Vesak 2019 នៅវៀតណាម។ ប្រធានព្រឹទ្ធសភាព្រះរាជាណាចក្រប៊ូតង់ក៏បានសម្តែងនូវក្តីសង្ឃឹមថាអ្វីៗដែលត្រូវបានពិភាក្សានិងព្រមព្រៀងគ្នានៅមហាពិធីបុណ្យ Vesak 2019 នឹងត្រូវបានអនុវត្តដើម្បីអនាគតដ៏ប្រសើរ។
រីឯព្រះតេជគុណ Phra Brahmapundit វិញ ប្រធានស្ថាបនិកនៃគណៈកម្មាធិកាចាត់តាំងអន្តរជាតិ Vesak នៃអង្គការសហប្រជាជាតិបានអះអាងអំពីចិត្តទូលាយរាក់ទាក់រាប់អានភ្ញៀវរបស់រដ្ឋាភិបាល សមាគមព្រះពុទ្ធសាសនា និងប្រជាជនវៀតណាម ដែលបានរួមចំណែកយ៉ាងសំខាន់ដល់ជោគជ័យនៃមហាពិធីបុណ្យ Vesak 2019។ ព្រះតេជគុណក៏បានវាយតម្លៃផងដែរវៀតណាមបានកំណត់នូវស្តង់ដារកាន់តែខ្ពស់សម្រាប់ការប្រារព្ធមហាពិធីបុណ្យ Vesak នៃអង្គការសហប្រជាជាតិ។ ព្រះតេជគុណក៏បានជឿជាក់ថាប្រតិភូទាំងអស់សុទ្ធតែចង់វិលត្រឡប់មកចូលរួមមហាពិធីបុណ្យ Vesak នៃអង្គការសហប្រជាជាតិដែលប្រារព្ធនៅវៀតណាម សាជាថ្មីនាពេលអនាគត។
គណៈប្រតិភូនៃមហាពិធីបុណ្យ Vesak 2019 បានព្រមព្រៀងអនុម័តលើសេចក្តីថ្លែងការណ៍ហាណាមដែលក្នុងនោះបានសម្តែងអំណរគុណចំពោះសមាគមព្រះពុទ្ធសាសនាវៀតណាម និងការគាំទ្រដ៏មានតម្លៃរបស់រដ្ឋវៀតណាមក្នុងការចាត់តាំងមហាពិធីបុណ្យ Vesak 2019។ ព្រមទាំងបានបញ្ជាក់ពីការប្តេជ្ញាចិត្តរបស់ខ្លួនក្នុងការចែករំលែកនូវការទទួលខុសត្រូវកាន់តែខ្លាំងឡើងជាមួយសង្គមដើម្បីគាំទ្រ កសាង រក្សា និងអភិវឌ្ឍសង្គមប្រកបដោយនិរន្តរភាព។ សេចក្តីថ្លែងការណ៍នេះក៏បានសង្កត់ធ្ងន់លើការមិនប្រើ ហិង្សាក្នុងការកសាងសន្តិភាព ព្រមទាំងលើកទឹកចិត្ត យកគំនិតអំពីចិត្តសន្តោសប្រណី និងប្រាជ្ញាធ្វើជាមូលដ្ឋានដើម្បីជៀសវាងនិងដោះស្រាយជម្លោះឬវិវាទទាំងអស់៕
បកប្រែដោយ Minh Trung