លោក To Lam អគ្គលេខាបក្ស៖ សាមគ្គីភាព និងចំណងមិត្តភាពជិតស្និទ្ធ គឺជាប្រភពនៃទំនាក់ទំនងវៀតណាម-ឡាវ

លោក To Lam អគ្គលេខាបក្ស ថ្លែងសុន្ទរកថានៅវិទ្យាស្ថាននយោបាយ និងរដ្ឋបាលសាធារណៈជាតិឡាវ (រូបថត៖ vnanet.vn)

លោក To Lam អគ្គលេខាបក្ស បានបញ្ជាក់ជាថ្មីម្តងទៀតថា ទំនាក់ទំនងវៀតណាម-ឡាវ ដែលត្រូវបានពូនជ្រំដោយលោកប្រធានហូជីមិញ លោកប្រធាន Kaysone Phomvihane លោកប្រធាន Souphanouvong និងថ្នាក់ដឹកនាំគ្រប់ជំនាន់នៃបក្ស និងរដ្ឋទាំងពីរ បានក្លាយជាទំនាក់ទំនងពិសេស បរិសុទ្ធ និងស្មោះត្រង់ កម្រមានក្នុងប្រវត្តិសាស្ត្រពិភពលោកសម័យទំនើប។ យោងតាមលោក To Lam អគ្គលេខាបក្ស សាមគ្គីភាព និងចំណងមិត្តភាពជិតស្និទ្ធ គឺជាប្រភពនៃទំនាក់ទំនងវៀតណាម-ឡាវ។ លោក To Lam អគ្គលេខាបក្ស បានបញ្ជាក់ថា ចំណងមិត្តភាពដ៏មហិមា សាមគ្គីភាពពិសេស កិច្ចសហប្រតិបត្តិការគ្រប់ជ្រុងជ្រោយ និងការតភ្ជាប់ជាយុទ្ធសាស្ត្ររវាងវៀតណាម និងឡាវ គឺជាទ្រព្យសម្បត្តិដ៏មានតម្លៃដែលបានបន្សល់ទុកដោយបុព្វបុរស និងគ្រប់ជំនាន់បដិវត្តន៍នៃប្រទេសទាំងពីរ។ លោក To Lam អគ្គលេខាបក្ស បានសង្កត់ធ្ងន់លើភាពចាំបាច់ក្នុងការថែរក្សា ពូនជ្រំ និងលើកកម្ពស់ទ្រព្យសម្បត្តិដ៏មានតម្លៃនេះ។ នោះគឺជាការទទួលខុសត្រូវខាងនយោបាយ មនោសញ្ចេតនា កិត្តិយស គោលដៅនៃការរស់នៅ និងសតិសម្បជញ្ញៈរបស់ប្រជាជាតិទាំងពីរ៕

បកប្រែដោយ Thanh Cong