កសាងខេត្ត Dong Thap ឲ្យស្ថិតក្នុងបញ្ជីខេត្តអភិវឌ្ឍឈានមុខគេនៅក្នុងតំបន់ដីសណ្ដទន្លេ Cuu Long

ទិដ្ឋភាពនៃកិច្ចប្រជុំ (រូបថត៖ vnanet.vn)

ថ្លែងមតិក្នុងកិច្ចប្រជុំនេះ លោក To Lam បានកោតសរសើរ វាយតម្លៃខ្ពស់ និងទទួលស្គាល់នូវការខិតខំប្រឹងប្រែង លទ្ធផល និងសមិទ្ធិផលដែលគណៈកម្មាធិការបក្ស អាជ្ញាធរ និងប្រជាជនខេត្ត Dong Thap សម្រេចបាននាពេលកន្លងមក។ លោកអគ្គលេខាបក្ស បានសង្កត់ធ្ងន់ថា ខេត្ត Dong Thap គប្បីយកចិត្តទុកដាក់លើការកៀរគរធនធាន និងប្រៀបខ្លាំងទាំងអស់ ដើម្បីរួមចំណែកយ៉ាងសកម្មដល់ការអភិវឌ្ឍរួមនៃតំបន់ដីសណ្ដទន្លេ Cuu Long និងប្រទេសជាតិ។ ដល់ឆ្នាំ ២០៣០ កសាងខេត្ត Dong Thap ឲ្យស្ថិតក្នុងបញ្ជីខេត្តអភិវឌ្ឍឈានមុខគេនៅតំបន់ដីសណ្ដទន្លេ Cuu Long ក្នុងការកសាងកសិកម្មអេកូឡូស៊ី ជនបទទំនើប និងកសិករស៊ីវិល័យ ការអភិវឌ្ឍវិស័យកសិកម្មប្រកបដោយចីរភាពដើម្បីក្លាយជាសសរស្តម្ភសម្រាប់សេដ្ឋកិច្ច។ ចក្ខុវិស័យដល់ឆ្នាំ២០៥០ ខេត្ត Dong Thap ក្លាយជាខេត្តទៅឈានមុខក្នុងការផ្លាស់ប្ដូរថ្មី និងផ្លាស់ប្ដូររចនាសម្ព័ន្ធសេដ្ឋកិច្ចតាមទិសដៅទំនើប បើកឱកាសសម្រាប់វិស័យសេដ្ឋកិច្ចថ្មី៖ សេដ្ឋកិច្ចអេកូឡូស៊ី សេដ្ឋកិច្ចទឹកសាប កសិកម្មសម្របខ្លួន ការដឹកជញ្ជូនពហុមធ្យោបាយ ការថែទាំសុខភាព...

លោក To Lam អគ្គលេខាបក្ស អញ្ជើញទៅសួរសុខទុក្ខវីរអ្នកម្ដាយវៀតណាម (រូបថត៖ vnanet.vn)

លោកអគ្គលេខាបក្សជឿជាក់ថា នាពេលខាងមុខ ខេត្ត Dong Thap នឹងអនុវត្តប្រកបដោយជោគជ័យនូវគោលដៅ និងភារកិច្ចដែលបានកំណត់ក្នុងមហាសន្និបាតលើកទី ១១ នៃគណៈកម្មាធិការបក្សខេត្ត រួមចំណែកអនុវត្តប្រកបដោយជោគជ័យនូវសេចក្តីសម្រេចចិត្តរបស់មហាសន្និបាតលើកទី ១៣ របស់បក្ស ជម្រុញឲ្យខេត្ត Dong Thap កាន់តែអភិវឌ្ឍប្រកបដោយនិរន្តរភាព ជីវភាពរស់នៅរបស់ប្រជាជនមានភាពធូរធារ សប្បាយរីករាយ។

*ក្នុងឱកាសរំលឹកខួបលើកទី ៨០ នៃទិវាបង្កើតកងទ័ពប្រជាជនវៀតណាម និងខួបលើកទី ៣៥ នៃទិវាការពារជាតិដោយប្រជាជនទាំងមូល នារសៀលថ្ងៃទី ១១ ខែធ្នូ លោក To Lam អគ្គលេខាបក្ស និងគណៈប្រតិភូ បានជួបសំណេះសំណាល និងប្រគល់អំណោយជូនតំណាងគ្រួសារទទួលរបបឧបត្ថម្ភគោលនយោបាយចំនួន ៨០ គ្រួសារ វីរអ្នកម្ដាយវៀតណាម និងអតីតយុទ្ធជនក្នុងខេត្ត៕

បកប្រែដោយ Thuy Anh