នាយកបណ្ឌិតសភានយោបាយជាតិហូជីមិញបំពេញទស្សនកិច្ចការងារនៅសហរដ្ឋអាមេរិក

ក្នុងជំនួបសន្ទនាជាមួយដៃគូអាមេរិក លោក Nguyen Xuan Thang បានវាយតំលៃខ្ពស់ចំពោះការអភិវឌ្ឍយ៉ាងទូលំទូលាយ និងឆាប់រហ័សនៃទំនាក់ទំនងវៀតណាម-អាមេរិក។ ទាក់ទិននឹងការប្រកាសរបស់ក្រសួងពាណិជ្ជកម្មអាមេរិក ដែលមិនទាន់ទទួលស្គាល់វៀតណាមជាប្រទេសសេដ្ឋកិច្ចទីផ្សារនោះ លោក Nguyen Xuan Thang បានបញ្ជាក់ថា វៀតណាមមានការសោកស្តាយចំពោះរឿងនេះ ព្រោះទំនាក់ទំនងពាណិជ្ជកម្ម និងវិនិយោគរវាងប្រទេសទាំងពីរមានការអភិវឌ្ឍដែលមិនធ្លាប់មានពីមុនមកនាពេលកន្លងមក។ ប្រទេសទាំងពីរក៏បានខិតខំប្រឹងប្រែងយ៉ាងខ្លាំងក្នុងការលើកកម្ពស់ទំនាក់ទំនងក្លាយជាភាពជាដៃគូយុទ្ធសាស្ត្រគ្រប់ជ្រុងជ្រោយ ហើយវៀតណាមបានបំពេញតាមលក្ខណៈវិនិច្ឆ័យទាំង ៦ ដែលកំណត់ដោយក្រសួងពាណិជ្ជកម្មអាមេរិក នៅពេលពិចារណាលើការទទួលស្គាល់ប្រទេសមួយជាប្រទេសសេដ្ឋកិច្ចទីផ្សារ។

លោក Nguyen Xuan Thang និងលោក Kurt Campbell (រូបថត៖ vov.vn)

លោក Nguyen Xuan Thang បានស្នើថា ភាគីទាំងពីរបន្តបង្កើនការផ្លាស់ប្តូរ ហើយអាមេរិកចាំបាច់ត្រូវវាយតម្លៃដោយសត្យានុម័ត និងឆ្ពោះទៅរកការទទួលស្គាល់វៀតណាមជាប្រទេសសេដ្ឋកិច្ចទីផ្សារ។ លោកក៏បានសម្តែងនូវគោលបំណងចង់ឲ្យក្រុមហ៊ុនអាមេរិកបន្តជំរុញការវិនិយោគនៅវៀតណាមលើវិស័យដែលមានសក្តានុពល និងនាំចេញផលិតផលមានប្រៀបខ្លាំងទៅកាន់វៀតណាម។

មេដឹកនាំនៃក្រសួងការបរទេសសហរដ្ឋអាមេរិកបានចែករំលែកការព្រួយបារម្ភរបស់វៀតណាមអំពីបញ្ហានៃការទទួលស្គាល់សេដ្ឋកិច្ចទីផ្សារ ហើយបានអះអាងថា នេះនឹងមិនប៉ះពាល់ដល់ទំនាក់ទំនងសេដ្ឋកិច្ចរវាងប្រទេសទាំងពីរដែលកំពុងមានការអភិវឌ្ឍយ៉ាងខ្លាំង ឆ្ពោះទៅប្រារព្ធខួបលើកទី ៣០ នៃការធ្វើប្រក្រតីភាពទំនាក់ទំនងវៀតណាម - អាមេរិកក្នុងឆ្នាំ២០២៥៕

បកប្រែដោយ Thanh Cong